31.9 C
Dushanbe

Раҳмон қудои Раҳмон мешавад

Юсуф Раҳмон, Прокурори генералии Тоҷикистон қудои Эмомалӣ Раҳмон, Президенти Тоҷикистон мешавад.

Бино ба иттилои пойгоҳи хабарии “Бомдод“, Сафар Раҳмон, писари Юсуф Раҳмон, Прокурори генералии Тоҷикистон бо Фарзонаи Эмомалӣ, духтари Эмомалӣ Раҳмон, Президенти Тоҷикистон издивоҷ мекунад.

Ба қавли манбаъ, “қарор буд, рӯзи 13 август тӯйи Фарзонаи Эмомалӣ, духтари хурдии президент Эмомалӣ Раҳмон  ва Сафар Раҳмон, писари додситони кулли Тоҷикистон Юсуф Раҳмон баргузор шавад. Манобеи “Бомдод” мегӯянд, ки тӯйи Фарзонаву Сафар ба сабаби марги холаи арӯс ба қафо гузошта шуд.”

Хабари хонадор шудани духтари Эмомалӣ Раҳмон бо писари Юсуф Раҳмон дар ҳоле сурат гирифта, ки тибқи иттилои расмӣ, шуруъ аз 9-уми августи соли ҷорӣ то асри 12-уми моҳи ҷорӣ Президети Тоҷикистон дар вилояти Суғд қарор дошт.

Аммо дар гузориши “Бомдод” гуфта мешавад, ки хоҳарарӯси Эмомалӣ Раҳмон (ҳамсари боҷааш Файзиддин Нахшовва модари Амриддин Нахшов, раиси ширкати тиллошӯии “Нахш”) шоми 12-уми август вафот кард ва ҷанозаи ӯ 13-уми моҳи ҷорӣ дар Данғара ба хок супорида шуд ва дар маросими ҷаноза “ба ғайр аз худи Президент, ки дар сафари корӣ дар вилояти Суғд қарор дошт, қариб ҳама буд.”

Қудо шудани Юсуф Раҳмон бо Эмомалӣ Раҳмон дар ҳоле расонаӣ мешавад, ки чанд рӯз пеш аз ин низ Президенти Тоҷикистон писари хурдиаш Сомонро хонадор карда буд.

Гуфта мешавад, Фарзонаи Эмомалӣ духтари ҳафтум ва хурдии Эмомалӣ Раҳмон аз ҳамсараш Азизамоҳ Раҳмонова мебошад, ки қарор аст бо хонадор кардани ӯ қудои Юсуф Раҳмон шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.