24.9 C
Dushanbe

Роҳхати писари Бег Сабур ва 10 варзишгари дигари тоҷик ба Токио-2020

Бино ба иттилои Кумитаи миллии олимпии Тоҷикистон писари дуюми Бег Сабур, раиси Хадамоти алоқаи Тоҷикистон Сиёвуш Зуҳуров “тавассути радабандии қоравии гурӯҳи махсуси Кумитаи байналмилалии олимпӣ оид ба бокс имкони иштирок дар 32-юм Бозиҳои Олимпиадаро пайдо намуд”.

Дар хабари Кумитаи олимпӣ омадааст, ки бо сабаби пандемияи коронавирус гурӯҳи махсуси Кумитаи байналмилалии олимпӣ оид ба бокс мусобиқаи интихобии олимпии ҷаҳонро барҳам дода, квотаҳои пешбинишударо тибқи радабандӣ тақсим намуда, яке аз онҳо насиби Сиёвуш Зуҳуров гаштааст.

Гуфта мешавад, Сиёвуш 11-умин варзишгари тоҷик аст, ки ба бозиҳои олимпии Токио-2020 роҳхат меёбад. Пеш аз ин Баҳодур Усмонов, Шаббос Негматуллоев (бокс), Гулсумбӣ Шарифова, Илдар Аҳмадиев (варзиши сабук), Сомон Маҳмадбеков, Акмал Муродов, Комроншоҳ Устопириён, Темур Раҳимов (ҷудо) ва Анастасия Тюрина, Олимҷон Ишанов (шиноварӣ) ба олимпиадаи Токио-2020 роҳхат пайдо карда буданд.

Падари Сиёвуш Зуҳуров, Бег Сабур раиси Хадамоти алоқа ва қудои Эмомалӣ Раҳмонов аст, ки дар гузашта гапҳо ва тасмимҳои баҳсбарангезаш расонаӣ шуда буд.

Бозиҳои олимпии Токио – 2020 бояд соли гузашта баргузор мегардид, аммо бо сабаби пандемияи коронавирус он ба як соли баъд гузошта шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.