Ба иттилои “Азия-Плюс” Раёсати Вазорати корҳои дохилӣ дар вилояти Хатлон ба муносибати “Рӯзи Президент” дар шаҳри Бохтар маркази вилоят раҳпаймойӣ ташкил кардаст.

Хабарнигори "Азия-Плюс" аз Бохтар хабар медиҳад, ки кормандони мақомоти миллиса ва гурӯҳи ҷавонон роҳпаймоиро аз кӯчаи Норинов шуруъ карда то назди муҷасамаи Исмоили Сомонӣ идома доданд.

Дар аксҳое, ки нашр шудааст, дида мешавад, ки кормандони милиса дар ин роҳпаймоӣ рӯй мошинҳои хидматӣ аксҳои Эмомалӣ Раҳмонро насб карда ҳаракат мекунанд.

Дар Тоҷикистон шуруъ аз соли 2016 “Рӯзи Президент”-и Тоҷикистон ҷашн гирифта мешавад. Маҷлиси намояндагони Маҷлиси Олии Ҷумҳурии Тоҷикистон 15 апрели соли 2016 ба қонуни ҶТ "Дар бораи рӯзҳои ид" илова намудани таҷлили Рӯзи Президенти Ҷумҳурии Тоҷикистонро баррасӣ кард ва ин Маҷлис 16-уми ноябро ҳамчун Рӯзи Президенти Тоҷикистон таъин намуд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.