26.9 C
Dushanbe

Русия ба Чехия ҷавоби ҳамсон дод, 20 корманди сафораташ бояд Маскавро тарк кунанд

Дар пайи хабари ихроҷи 18 корманди сафорати Русия аз Прага сафири Ҷумҳурии Чехия дар Маскав ба Вазорати корҳои хориҷа эҳзор шуд. Мақомоти Русия эътирози худро нисбати ихроҷи дипломатҳояш иброз дошта ҳушдор дода буд, ки чораҳои ҷавобӣ меандешад.

Шаби 19 апрел мақомоти Русия 20 корманди сафорати Чехияро унсурҳои номатлуб хонд. Вазорати умури хориҷаи Русия гуфт, ин 20 корманди сафорат бояд рӯзи 19 Маскавро тарк кунанд.

Маскав пеш аз ин гуфта буд, ки мақомоти Чехия барои ҷонибдорӣ ва ташдиди таҳримҳои Амрико алайи Русия кормандони сафораташро аз Прага ихроҷ кардааст.

Рӯзи 18 апрел Мақомоти Чехия кормандони сафорати Русия дар Прагаро ба ҷосусӣ мутаҳам намуда 18 дипломатро 48 соат муҳлат дод то Прагаро тарк кунанд. Мақомоти Чехия ин кормандони сафоратро дар таркиши анбори аслиҳае, ки соли 2014 рух дод гунаҳкор меҳисобад.

Аммо Маскав дар гузорише инро рад намуда, гуфт, “ин комилан пуч аст, зеро дар аввали ин ҳодиса давлати Чехия иллати таркишро ширкатҳои соҳиби ин анборҳо эълон карда буд.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.