Вазорати дифои Русия барои рафъи оқибатҳои таркиши дирӯзаи Лубнон 5 ҳавопаймо кумакҳои башардӯстона ба ин кишвари офатзада мефиристад. Дар ин бора хабаргузории "Интерфакс" бо такя ба ин вазорат хабар дод.
Бино ба гузориши вазорати дифои Русия имрӯз 5 август аз ҷониби ин вазорат 5 ҳавопаймо маҳмули кумакҳои башардӯстона барои рафъи осори баҷомондаи таркиши мудҳиши дирӯза, ки дар бандари шаҳри Бейрут рух дод ва боиси хасорати ҷонию молии зиёд гардид, ба ин кишвар фиристоданист. Ҳамчунин ин ниҳод хабар дода, ки як ҳайат аз мутахассисон ва озмоишгоҳҳои сайёр барои санҷиши каронавирус ва василаҳои ҳимоя аз онро озими Бейрут мекунад.
Вазорат афзуд: “5 ҳавопаймои тобеи вазорати дифоъ дар чорчӯби кумакҳои башарӣ, барои рафъи оқибатҳои фоҷеае, ки дирӯз рух дод, ба Бейрут фиристода мешавад. Ин ҳавопаймоҳо дар худ беморхонаҳои сайёр, табибон, ҳайати наҷотбахшон ва инчунин мутахассисону озмоишгоҳи сайёр барои санҷиши вируси коронаро мебаранд”.
Вазорат таъкид доштааст, ки ба ин гурӯҳи наҷотбахши русӣ, ки ба Лубнон фиристода мешаванд, боз дастаҳои дигар бо лавозими хос ва василаҳои ҳимояти шахсӣ ва таҷҳизоти муҳофизатӣ аз вируси COVID-19 илова мегардад.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.