14.9 C
Dushanbe

Русия дар Исфара корхонаи пойафзолдӯзӣ сохт

Дар шаҳри Исфараи вилояти Суғд, коргоҳи пойафзолдӯзии “Саманд” бо сармоягузории Федератсияи Русия ба фаъолият оғоз намуд. Фахриддин Сироҷов, роҳбари корхонаи “Саманд” дар сӯҳбат ба Sputnik Тоҷикистон гуфтааст, ин коргоҳи онҳо бо маблағгузории Фабрикаи пойафзолдӯзии шаҳри Магнитогорски Русия таъсис дода шудааст.

“Аз соли 2010 инҷониб мо, бо Фабрикаи пойафзолбарории шаҳри Магнитогорск ҳамкорӣ мекунем. Соли 2016 дар заминаи ин ҳамкорӣ ба ин натиҷа расидем, ки Коргоҳи пойафзолдӯзиро дар шаҳри Исфара дуруст кунем ба ин хотир, ки ҳунари кафшдӯзӣ дар Тоҷикистон гум нашавад ва ҳам ҷои корӣ фароҳам шавад. Имрӯз бо ин ният корро шурӯъ намудем”, – гуфтааст Фахриддин Сироҷов, роҳбари корхонаи “Саманд”.

Бино ба иттилоъи манбаъ, аз ҷониби Фабрикаи пойафзолбарории шаҳри Магнитогорск барои оғози фаъолияти коргоҳи кафшдӯзии шаҳри Исфара бештар аз 230 ҳазор сомонӣ саромягузорӣ сурат гирифта, дар назар аст оянда ҳаҷми он то ба 500 ҳазор сомонӣ расонида шавад. Фахриддин Сироҷов гуфт, ҳоло кафшҳое, ки барои кӯдакони 1 то 6 сола ва хонандаҳои мактаб истеҳсол мешаванд ва муд ё модели онҳоро худ коркард мекунанд. Ҳама намуд ашёъи хом, барои коргоҳи онҳо аз кишвари Русия ворид карда мешавад. Сифати молҳои Русия аз Хитой баландтар аст. Роҳбари “Саманд” гуфт, нархи як пойафзоли чармини кӯдакона 70-80 сомонӣ буда, вобаста ба андоза ва масрафи чарми он 90 сомонӣ муқаррар шудааст.

Шумори хеле зиёди соҳибкорони тоҷики муқими Русия омодаи ташкил ва бунёди корхона дар ватани худ-Тоҷикистон ҳастанд. Аммо бо таваҷҷҷӯҳ ба сарнавишти тиҷорати Маъруф Орифов, раиси сети дӯконҳои Орима, Зайд Сайидов ва Рустам Одинаев,раиси ширкати Умед-88 аз ғасби тиҷорати худ аз тарафи наздикони роҳбари аввали кишвар бим доранд

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.