23.9 C
Dushanbe

Русия Херсони Украинаро ба хоки худ ворид мекунад?

Манобеи иттилоотии Бритониё мегӯянд, Маскав талош дорад дар шаҳри Херсони Украина, ки зери тасарруфи Русия қарор дорад, барои дар хоки худ ҳамроҳ кардан ҳамапурсӣ гузаронад.

Ба гузориши BBC бо такя ба ниҳодҳои иттилоотии биротиниёӣ, ин ҳамапурсии Русия дар шарқи Украина шабеҳи ҳамапурсии соли 2014 дар Қрим аст, ки онро Русия ба хоки худ ҳамроҳ кард.

Аммо имрӯз, 25-уми апрел Вазорати хориҷаи Русия дар бораи омодагӣ ба ҳамапурсӣ дар Херсонро ҳамзамон на рад ва на таъйид кард. Муовини вазири хориҷаи Русия Андрей Руденко гуфт: “Дар бораи омодагӣ барои гузарондани ҳамапурсӣ дар Херсон (барои павастани он ба хоки Русия)-ро таъйид карда наметавонам. Дар ин бора чизе нашунидам.”

Аз ин пештар Киеви расмӣ ба Маскав шарт гузошта буд, ки агар дар Херсон ҳамапурсӣ баргузор кунад, гуфтушунидҳо байни ҷонибҳо ба поён мерасад.

Ба иттилои расонаҳо Херсон ягона шаҳрест дар шарқи Украина, ки нерӯҳои Русия пурра бар он тасаллут доранд, аммо рӯзҳои ахир баъзе нуқоти дубора ба дасти нерӯҳои Украина гузаштааст.

Гуфта мешавад, ҳамроҳ кардани Херсон ба хоки Русия яке аз аҳдофи аслии Маскав будааст. Зеро масири заминӣ байни Қрим ва Херсон вуҷуд дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сарт напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.