Русия то як миллион муҳоҷирро интизор аст
Аз садҳо то як миллион муҳоҷири корӣ дар ояндаи наздик метавонанд аз кишварҳои Осиёи Марказӣ ба Русия ворид шаванд.
Ба навиштаи "Российская Газета" Вадим Коженов президенти Федератсияи муҳоҷирони Русия мегӯяд, ба зуди то як миллион коргари хориҷӣ метавонанд вориди кишвар шаванд.
Ба иттилои ин манбаъ вуруди муҳоҷирон пас аз роҳандозии дигарбораи парвозҳо бо кишварҳои Осиёи Марказӣ, ки аз 1 апрел оғоз шуда аст имконпазир гардид, мо миллион нафарро интизорем. Душвори дар он аст, ки ҳоло парвозҳо каманд. Масалан танҳо як парвоз дар хафта ба Қирғизистон ва Тоҷикистон аст, ба Узбекистон рӯзе се чор маротиба тайи шаш рӯз дар ҳафта амалӣ мешавад.
Ба гуфтаи Коженов дар давоми як ҳафта тақрибан панҷ то шаш ҳазор нафар ба Русия ворид шуда истодаанд ва ин афзоиш аллакай чашмрас шуда аст. Ба ақидаи ӯ вазъ ҳангоми кушода шудани ҳамаи гузаргоҳҳои марзӣ бехтар хоҳад шуд. Зеро ҳоло тамоюли мусбати вазъи эпидемикии коронавирус ба назар мерасад.
Илова бар ин дар бозори кори Русия ҷараёни вуруди муҳоҷирони корӣ аллакай ба назар мерасад, зеро танхо дар ду мохи аввали соли 2021 аз рӯи дархости пешниҳодшуда хориҷиён аз кишварҳои ИДМ нисбат ба соли гузашта зиёдтар буданд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.