22.9 C
Dushanbe

Русия: Украина аз Тоҷикистон муздурони ҷангӣ ҷалб мекунад

Мақомоти Русия Украинаро ба он муттаҳам мекунанд, ки аз ҳисоби шаҳрвандони Тоҷикистон муздурони ҷангиро барои ширкат дар ҷанг бар зидди Русия ҷалб мекунад.

Дар ин бора Дабири Шӯрои амнияти Русия Николай Патрушев зимни 19-умин нишасти солонаи дабирони шӯроҳои амниятии кишварҳои Созмони ҳамкориҳои Шанхай дар Остона гуфт.

Патрушев дар ин кор сафорати Украина дар Душанберо муттаҳам кард, аммо ҷузиёти бештаре дар хусуси он пешниҳод накард. Инчуни то ин лаҳза вокуниши сафорати Украина дар Тоҷикистон ба гуфтаҳои Патрушев дар дастрас нест.

Ба гуфтаи коршиносон, ин иттиҳом нисбати Украина дарҳоле аз забони як мақоми баландпояи Русия садо медиҳад, ки кишвараш барои ҷазби муҳоҷирони корӣ ва хориҷиён барои пайвастан ба артиши Русия ваъдаи додани шаҳрвандӣ ва кумакҳои нақдӣ мекунад ва то имрӯз даҳҳо зодаи Тоҷикистон дар ҷанги Русия ҷонашонро аз даст додаанд.

Бар асоси Кодекси ҷиноии Тоҷикистон, ҷалб кардан, омӯзишҳои ҷангӣ додан, маблағгузории зархаридон ва ҳамчунин ширкати онҳо дар амалиёти ҷангӣ дар хориҷ аз кишвар аз панҷ то 12 соли зиндон таҳдид мекунад. Барои иштироки муздурон дар даргириҳои мусаллаҳона ё амалиёти ҷангӣ аз 12 то 20 соли зиндон пешбинӣ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.