Рустам Эмомалӣ, шаҳрдори Душанбе ё фиребгари мардум?

Ҷолиб он ки танҳо чанд нафари ангуштшумореро метавон дар ҷамъи ин афрод дид, ки аслӣ будани ин саҳифа ва вобаста будани онро ба Рустами Эмомалӣ зери суол бурдаанд.

Аммо яке аз ин корбарон бо ибрози шакку тардид мегӯяд, агар ин саҳфа фейкӣ бошад, пас чаро худи мақомоти кишвар ва ба хусус шаҳрдори Душанбе дар бораи он чизе намегӯянд ва ё шикоят намекунанд?

Гуфта мешавад, ин саҳифае, ки мансуб ба раиси Маҷлиси миллии Маҷлиси Олии Тоҷикистон ва раиси шаҳри Душанбе Рустами Эмомалӣ мебошад, то кунун беш аз даҳ бор чунин иқдомҳоеро роҳандозӣ карда, ба ин тариқ ба сирқати маълумоти шахсии мардум даст задааст.

Бо вуҷуди он ки ба ин монанд иқдомҳои маълумотдуздӣ бо усулҳои мухталиф дар шабакаҳои иҷтимоӣ фаровон истифода мешавад, вале дар байни ин шарҳнависон дида намешавад, ки касе аз онҳо эътироз карда бошад. Инчунин касе аз ин корбарон ҳам дар бораи дарёфт кардан ва ё дарёфт накардани “тӯҳфа”-ҳои Рустами Эмомалӣ чизе нагуфтааст.