27.9 C
Dushanbe

Рустами Эмомалӣ ба вакилон халқ дастур дод, ки бо интихобкунандагон вохӯрӣ анҷом диҳанд

Рустами Эмомалӣ, акс аз “Ховар”

Раиси шаҳри Душанбе Рустами Эмомалӣ дар бораи баргузор намудани иҷлосияи сеюми Маҷлиси вакилони халқи пойтахт, ки қарор аст рӯзи 23 сентябри соли равон баргузор гардад, қарор ба имзо расонид.

Дафтари матботи Раиси шаҳр хабар дод, ки дар рӯзномаи Маҷлис шунидани ҳисоботи муовини якуми Раиси шаҳр, раисони ноҳияҳои пойтахт дар бораи омодагӣ ба мавсими тирамоҳу зимистон, ҳисоботи муовини раиси пойтахт дар бораи вазъи нақлиёти ҷамъиятӣ ва ҷорисозии низоми пардохти электронӣ дар ин соҳа дарҷ гардидаанд.

Бо дастури Раиси шаҳри Душанбе, барои омода намудани масъалаҳои рӯзномаи Маҷлис гурӯҳи корӣ таъсис дода шуда, вакилони маҷлис то 21 сентябр бо интихобкунандагон вохӯриҳо доир мекунанд ва аз натиҷаи онҳо ба гурӯҳи корӣ оид ба такмил додани масъалаҳои рӯзномаи Маҷлис таклифҳои мушаххасро пешниҳод менамоянд.

Ин дар ҳолест, ки 11 октябр дар Тоҷикистон интихоботи Президенти баргузор мегардад, коршиносон бар ин назаранд, ки иҷлосияи дар пеш истодаи Раиси шаҳри Душанбе бештар ба масъалаҳои интихоботӣ рабт дорад, вақто вакилон бо интихобкунандагони худ, вохурӣ анҷом медиҳанд, ҳатман ба интихоби роҳабри ҳизбашон дигаронро ташвиқ мекунанд. Ёдовар мешавем, моҳи апрели соли равон Рустами Эмомали Раиси Маҷлиси Миллӣ интихоб гардида буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.