Қарор аст, рӯзи 14-уми октябр дар ҳошияи сафари Раҳмон ба Порис намоишгоҳи муаррифии Тоҷикистон дар Юнеско ва ё худ “Рӯзи фарҳангии Тоҷикистон” баргузор мешавад.
Тибқи манобеи Аздо тв, барои ин ҳамоиш беш аз 80 сароянда ва раққосаҳои тоҷикистонӣ иштирок мекунанд. Аз ҷумла, дар ин сафар сарояндагони маъруфи тоҷик ба монанди Давлатманд Холов, Нигина Амонқулова, ду ансамбли раққосаҳои Тоҷикистон ва дигарон иштирок хоҳанд кард.
Пештар гуфта мешуд, Раҳмон дар сафараш бо Прис дар осорхонаи Гиме гӯшаи Тоҷикистонро ифтитоҳ хоҳад кард. Ва муҳимтарин бахши сафари Раҳмон ба Фаронса низ ҳамин ифтитоҳи намоишгоҳ гуфта мешавад.
Коршиносони тоҷик мегӯянд, осори фарҳангӣ ва таърихии як миллате ба мисли тоҷикон барои муаррифӣ ба мардуми Фаронса муҳим аст ва онҳо ба ингуна чорабиниҳои фарҳангӣ арҷ мегузорнд.
