30.9 C
Dushanbe

Рӯзи қасамёдкунии Эмомалӣ Раҳмон муайян шуд

Рӯзи 30 октябри соли равон маросими таҳлиф ё худ қасамёдкунии Эмомалӣ Раҳмон дар “Кохи Сомон” ба ҳайси президенти тозаинтихобшудаи Тоҷикистон баргузор мешавад.

Тамоми шабакаҳои радио ва телевизиони Тоҷикистон муваззаф шудаанд, ки маросимро аз соати 9 субҳ пурра ба таври зинда намоиш бидиҳанд. Дар ин бора аз Кумитаи телевизион ва радиои назди ҳукумати Ҷумҳурии Тоҷикистон ба “Азия-Плюс” хабар доданд.

Маросими қасамёдкунии президент Эмомалӣ Раҳмон, ки бори 5 аст дар интихоботи президентӣ баранда мешавад, бо ҳузури аъзои ҳукумат, намояндагони ду палатаи парлумон ва тамоми вазирону раисони шаҳру ноҳияҳои кишвар баргузор мегардад.

Маросими савгандёдкунии президенти тозаинтихоб дар маҷмааи давлатии “Кохи Сомон” бо иштироки вакилони ҳар ду палатаи парлумон, аъзои ҳукумат, роҳбарони вазорату идораҳо, раисони шаҳру навоҳӣ ва вилояҳои ҷумҳурӣ баргузор мешавад.

Дар “Кохи Сомон” Э.Раҳмон ҷиҳати садоқат ба Конститутсия ва мардуми Тоҷикистон савганд ёд карда, дар Кохи миллат ба ӯ рамзҳои президентӣ – ливо ва шаҳодатнома супурда мешаванд.

Пас аз ин дар майдони марказии пойтахт ба ифтихори маросими савгандёдкунии президент гузашти низомии қисмҳои ҳарбӣ ва ҷузъу томҳои гарнизони ҳарбии Душанбе барпо мешавад.

Одатан маросими таҳлифи президентҳо баъд аз хулосаи ниҳоии нозирони байналмиллалӣ ва баҳоӣ мусбат додани онҳо баргузор мегардад. Нозирони ИДМ, ки дар интихоботи президентии Тоҷикистон 11 октябр ҳузур доштанд, рафти баргузории онро хуб арзёбӣ карданд, аммо нозирони давлатҳои ИА агарчи қаблан гуфта буданд, ки “Тоҷикистон бояд барои беҳтар баргузоргардидани интихоботҳояш талош кунад”, вале то ҳол расман хулосаи ниҳоии худро баён надоштаанд.

Ёдовар мешавем, ки 11 октябри соли ҷорӣ дар Тоҷикистон маъракаи интихоботи президентӣ баргузор гардид, ки дар он барои ба дастовардани курсии Президент раисони 5 ҳизб – ҲАТ, ҲИИТ, ҲКТ, ҲСТ ва ҲХДТ рақобат карданд. Эмомалӣ Раҳмон аз ҲХДТ ҳудуди 91 дарсади орои мардумро ба даст овард ва боқӣ ба 4 ҳизби дигар аз 1 то 3 дарсадӣ орои раъйдиҳандагон насиб шуд.

Коршиносон ҳузури раҳбарони ҳизбҳои дигарро дар баробари Раҳмон рамзӣ унвон карданд, ҳатто маъракаҳои пешазинтихоботии онҳо низ хеле камранг буд ва бисёр дида ва шунида мешуд, ки аз Эмомалӣ Раҳмон тамҷид намуда ва ба наҳве ӯро таблиғ мекарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Дар Қирғизистон аз як кӯдето пешгирӣ шудаст

Кумидаи давлатии амнияти миллии Қирғизистон 5-уми июн аз боздошти гурӯҳе хабар дод, ки ба гуфти ин ниҳод, қасди кудето кардан дар ин кишварро доштаанд.

Даргирӣ байни нерӯҳио Ҷабҳаи муқовимати миллии Афғонистон ва Толибон

Ҷабҳаи муқовимати миллии Афғонистон, ки раҳбарии онро Аҳмад Масъуд, фарзанди Аҳмадшоҳ Масъуд бар уҳда дорад, аз як ҳамлаи худ дар вилояти Тахори Афғонистон хабар дод.

Мулоқоти Эмомалӣ Раҳмон бо Содир Ҷаббор дар Қирғизистон

Президенти Тоҷикистон, Эмомалӣ Раҳмон, ки бо сафари корӣ дар Қирғизистон қарор дорад, бо президенти ин кишвар Содир Ҷабборов дар шаҳри Чолпон-Ата бо ҳам мулоқот карданд.

Дар нишасти “Осиёи Марказӣ-Иттиҳоди Аврупо” аз ҳуқуқи башар гуфта мешавад?

Додситонии куллии Тоҷикистон 2-уми июни соли ҷорӣ бо ирсоли номаи фаврӣ ба ҳамтои русаш, хостори таҳқиқи боздоштҳо ва рафтори мақомоти ҳифзи ҳуқуқи ин кишвар нисбати муҳоҷирон шудааст.