14.9 C
Dushanbe

Рӯзноманигор Далер Шарифов аз зиндон озод шуд

Субҳи имрӯз 29 январ Далер Шарифов, рӯзноманигори тоҷик, ки соли гузашта бо иттиҳоми “барангехтани кинаву адовати динӣ – мазҳабӣ” барои як сол маҳкум ба зиндон шуда буд, раҳо шуд.

Акс аз саҳифаи фейсбукии Khayrullo Saidov

Далер Шарифов 28 январи соли 2020 аз ҷониби КДАМ боздошт шуд ва 16 апрел Додгоҳи ноҳияи Шоҳмансури шаҳри Душанбе ӯро барои як сол аз озодӣ маҳрум кард.

Додситонии кулли Тоҷикистон Далер Шарифовро ба он муттаҳам карда, ки ӯ аз соли 2013 то соли 2019 “200 матлабу мақолае нашр кардааст, ки дорои мазмуну муҳтавои экстремистӣ ҳастанд” ва алайҳи ӯ парванда кушоданду равонаи зиндон шуд, аммо худи ӯ ва вакили дифоаш ин иттиҳомотро рад карданд.

Дар баробари ин созмонҳои байналмиллалии ҳуқуқи башар ва ҷомеаи шаҳрвандӣ аз мақомоти кишвар талаб мекарданд, ки Далер Шарифов бе қайду шарт раҳо шавад. Аммо масъулин талаби ҷиҳатеро ба инобат нагирифт.

Чанде пеш наздиконаш аз мақомот хоста буданд, ки вазъи саломатияш худ нест ва ӯро ба маҳбаси маскунӣ гузаронанд, вале ин дархости пайвандонаш рад шуд.  

Ҷузъиёти хабар баъдан нашр мешавад

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.