4.9 C
Dushanbe

Сӯхтор дар бозори Ҷалолиддини Балхӣ

Пас аз зуҳри рӯзи 11-уми ноябри соли ҷорӣ дар бозори марказии ноҳияи Ҷалолиддини Балхии вилояти Хатлон сӯхтор рух дода, чандин мағоза ба коми оташ рафт.

Бино ба иттилои манобеи Azda tv, ин сӯхтор дар бозори навбунёди ин ноҳия рух додааст, ки дар он растаҳо бештар хӯрока ва либоса фурӯхта мешавад. Хушбахтона, дар пайи ин сӯхтор талафоти ҷонӣ ба қайд гирифта надоштааст.

Ба қавли шоҳидон, оташ тахминан соати 14-и пас аз зуҳри рӯзи шанбе сар задааст. Аввал аз як мағоза дар табақаи аввал шуруъ шуда, пас аз лаҳзае алангаи он ба табақаҳои болоии бозор расидааст.

То ҳол мақомоти давлатии ноҳияи мазкур дар бораи ҳаҷми зарар ва амволи аз даст рафтаи тоҷирон гузориши расмӣ нашр накардаанд, аммо ба гуфтаи шоҳидон, дасти кам 5 мағозаи бузург ба таври комил ба коми оташ рафта, ва мағозаҳои зиёди дигар қисман зарар дидаанд.

Ин бори аввал нест, ки дар Тоҷикистон бозрҳо оташ мегиранд. Бархе тоҷирони бозорҳо мегӯянд, бо вуҷуди он ки масъулони бозорҳо ҳамеша аз тоҷирон маблағ барои ҳолатҳои фавқулодда ва ғайра мегиранд, аммо наметавонанд хатари сӯхторро кам ва моли савдогаронро ҳифз кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналду ба Тоҷикистон наомад

Ҳамлагари шинохтаи пуртуғолӣ ва бозигари бошгоҳи "Ал-Наср"-и Арабистони Саудӣ Криштиану Роналду ба Душанбе наомад. 

Арабистон $100 миллион ба Тоҷикикстон қарз медиҳад

Фонди Саудии Рушд барои идомаи сохтмони тарҳи Нергуҳои барқи...

Вокунишҳо ба шиканҷаи навраси ноболиғе дар Душанбе

Сабти навори шиканҷаи навраси ноболиғе дар шаҳри Душанбе мавҷи вокунишҳоро дар ҷомеа ба вуҷуд овардааст, вале мақомот то ҳол ин қазияро шарҳ надодаанд.

Баррасии ҳамкориҳои Тоҷикистону Арабистон

Масоили ҳамкориҳои тиҷоратӣ, иқтисодӣ ва сармоягузориҳои Тоҷикистон ва Арабистони Саудӣ дар шаҳри Душанбе мавриди баррасӣ қарор гирифтанд.