Бино ба иттиллои Вазорати корҳои дохилии Тоҷикистон ба ҳам расидани ноқилҳои барқӣ, сабаби оташсӯзӣ дар бозори марказиӣ ноҳияи Ҷайҳун шудааст.
Бозори мазкур шаби 1-ум ба 2-юми июл оташ гирифт ва даҳҳо дӯкони хурду бузург ба коми оташ рафт. Гуфта мешавад, 95 дарсади бозор сӯхтааст. Масоҳати сӯхторро мақомот беш аз 2800 метри мураббаъ гуфтаанд.
Як фурӯшандаи ин бозор, ки ноқилҳои барқӣ мефурӯхтааст, ба расонаҳо гуфта, ки ду мағозааш пурра оташ гирифтаанд ва дар маҷмуъ 700 ҳазор сомонӣ зарар дидаааст, маълум нест, ки ин зарари бузургро мақомот ҷуброн мекунанд ё на.
Ин бозор дар ноҳияи Ҷайҳун дар наздикии марзи Тоҷикистону Афгонистон ҷойгир буда, сокинон аз чанд ноҳия барои харид аз ин бозор истифода мекарданд. Сӯхтори бозорҳо дар Тоҷикистон бори аввал набуда зуд-зуд дар бозорҳои бузург чунин оташсӯзиҳо рух медиҳад.
