31.9 C
Dushanbe

Сафари раиси Шӯрои олии мусолиҳаи миллии Афғонистон ба Тоҷикистон

Абдуллоҳ Абдуллоҳ, Раиси Шӯрои олии мусолиҳаи миллии Афғонистон рӯзи душанбе 21 декабри соли ҷорӣ зимни як сафари расмӣ вориди Душанбе шуд. Дар ин бора пойгоҳи Шурои олии мусолиҳаи миллии Афғонистон иттилоъ дод.

Абдуллоҳ ва ҳайати ҳамроҳи ӯро дар фурудгоҳи Душанбе Азим Иброҳим, вазири нақлиёти Тоҷикистон истиқбол намудааст.

Гуфта мешавад, сафар бо мақсади ҷалби ҳимояти минтақавӣ барои талошҳои сулҳ байни Толибону ҳукумати Афғонистон анҷом мешавад.

Дар назар аст Абдуллоҳ Абдуллоҳ дар ин сафар бо як қатор масъулони баландпояи Ҳукумати Тоҷикистон дидору мулоқот анҷом бидиҳад. Аз ҷумла гуфта мешавад, ӯ бо раисҷумҳур Эмомалӣ Раҳмон, Сарвазири кишвар Қоҳир Расулзода, Раиси Парлумон Муҳаммадтоҳир Зокирзода ва вазири корҳои хориҷа Сироҷиддин Муҳриддин дар робита ба раванди сулҳи Афғонистон дидору гуфтугӯ карданист.

Гуфта мешавад, ки дар раванди сулҳ ин дуввумин сафари минтақавии Абдуллоҳ Абдуллоҳ, раиси мусолиҳаи миллии Афғонистон ба Тоҷикистон мебошад.

Вай қаблан барои пуштибонӣ ёфтани раванди сулҳи Афғонистон байни Толибон ба Покистон, Эрон, Ҳиндустон, Узбекистон ва Туркия сафар карда буд.

Сафари ӯ ба Тоҷикистон дар ҳоле сурат мегирад, ки раванди музокироти байни ҳукумати Афғонистон ва Толибон қатъ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҳунарманди маъруфи театру синамои тоҷик даргузашт

Рӯзи 27-уми апрели соли ҷорӣ ҳунарманди шинохтаи театру синамо Асланшоҳ Раҳматуллоев дар умри 71-солагӣ аз олам чашм пӯшид.

Кушта шудани 12 нафар дар пайи ҳамлаи Русия ба пойтахти Украина

Шаби 24-уми апрели соли 2025 пойтахти Украина, шаҳри Киев ҳадафи ҳамлаи шадиди низомии Русия қарор гирифт.

Раҳмонов боз дар бораи ҷазо ва маҳдудиятҳо гуфт

Эмомалӣ Раҳмон бори дигар аз ҷазо барои истифодаи "ғайриқонунии нерӯи барқ" ва "напардохтани пули он" гуфт.

Покистон дар камтар аз як моҳ 120 ҳазор афғонро ихроҷ кард

Дар камтар аз як моҳ давлати Покистон ҳудуди 120 ҳазор шаҳрванди Афғонистонро ихроҷ кард.