30.9 C
Dushanbe

Сафири “муҳоҷиррабо” ҷоиза гирифт

Имомиддин Сатторов, собиқ сафири Тоҷикистон дар Русия, ки дар корномааш истирдоди Мақсуд Иброҳимов, депорти шодравон Каромат Шарипов, рабудани Шарофиддин Гадоев, супоридани Иззат Амон ва даҳҳо муҳоҷири тоҷик ба мақомоти Тоҷикистон сабт шудааст, дар Душанбе бо мукофоти давлатӣ қадрдонӣ шуд.

Сурат: Хадамоти матбуоти президент

18-уми август президент Эмомалӣ Раҳмон дар Қасри миллат дар шаҳри Душанбе Имомиддин Сатторовро дар ҷамъи 120 мукофотгиранда ба ҳузур пазируфта ва ба ӯ барои “хидматҳои шоистааш” ба мукофоти давлатӣ сарфароз сохт.

Бархе коршиносон бар ин назаранд, ки муҳоҷирони кории Тоҷикистон дар замони сафирии ҷаноби Имомиддин Сатторов бадтарин шароити будубош ва муносибати мақомоти русро таҷриба карданд.

Ба гуфтаи онҳо, замоне, ки бемории ҳамагири КОВИД-19 боиси фалаҷ шудани иқтисоди дунё ва бавежа Русия шуд, ҳазорҳо муҳоҷири меҳнатии тоҷик дар Русия бекор, бемор ва гурусна монд, вале ин сафири муҳтарам ба ҷои кумак карданд, дарҳои сафоратро ба рӯи муҳоҷирон баст, зангҳо ва муроҷиатномаҳои пайдарпайи онҳоро беҷавоб монд.

Ҳамзамон дар гирдиҳамоиҳои моҳи апрели соли равон дар Маскав, ки муҳоҷирон барои озодии Иззат Амон ширкат карда буданд, иддаъо доштанд, ки масъулони сафорати Тоҷикистон дар Маскав бо раҳбарии Имомиддин Сатторов ба маъмурони пулис занг зада хостаанд, ки шаҳрвандони Тоҷикистонро дастгир ва аз Русия “депорт” кунанд.

Имомиддин Сатторов аз 15-уми майи соли 2014 то 2-уми августи соли 2021 сафири Тоҷикистон дар Русия буд ва айни замон Давлатшоҳ Гулмаҳмадзода, собиқ муовини сарвазир сафири Тоҷикистон дар Русия мебошад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Танишҳои дипломатӣ байни Русия ва Озарбойҷон

Дар пайи боздошти даҳҳо озарбойҷонӣ дар шаҳри Екатеринбург, байни Федератсияи Русия ва Ҷумҳурии Озарбойҷон танишҳои шадиди дипломатӣ ба миён омадааст.

130 млн доллари Арабистони Саудӣ ба Тоҷикистон

Раисҷумҳури худкомаи Тоҷикистон Эмомалӣ Раҳмон бо раиси Фонди Рушди Арабистони Саудӣ Султон Абдурраҳмон ал-Маршад мулоқот кардааст.

Ихроҷи густардаи афғонҳо аз Эрон

Мақомоти эронӣ пас аз ҷанги 12-рӯза бо Исроил ихроҷи густардаи муҳоҷирони афғонистониро рӯи даст гирифтаанд.

Ҳушдор! Ба Белорус сафар накунед!

Он муҳоҷирони тоҷикистоние, ки аз Русия бо сабабҳое ихроҷ ва мамнуъулвуруд шудаанд, ба Белорус ҳам сафар карда наметавонанд.