28.9 C
Dushanbe

Сафорати Тоҷикистон дар Русия бомбгузорӣ нашудааст

Сафоратхонаи Тоҷикистон дар шаҳри Маскав ба гумони бомбгузорӣ шудан аз ҷониби ниҳодҳои дахлдори Русия мавриди тафтиш қарор гирифт. Дар натиҷа кормандони пулиси Маскав хабари бомбгузори шудани бинои сафоратро такзиб карданд.

Рӯзи 10-уми январ аз ҷониби шахси номаълум хабаре паҳн шуд, ки гӯё бинои сафоратхонаҳои Тоҷикистон ва Қирғизистон дар Русия бомбгузорӣ шудааст ва ҳангоми безараргардонии он таркиш ба амал меояд. Дар баробари ин, афроди номаълум аз ин кишварҳо талаб намудаанд, ки нирӯҳои низомии худро аз Қазоқистон берун кунанд.

Вале ҳангоми тафтиши биноҳо аз ҷониби кормандони мақомоти ҳифзи ҳуқуқ ягон маводи тарканда пайдо нашудааст.

Пештар аз ин, рӯзи 7-уми январ афроди номаълум ба почтаи электронии сафоратҳои Беларус ва Арманистон бо таҳдиди ҳамлаи террористӣ имейл ирсол карда буда, талаб намуда буданд, ки низомиёни худро аз Қазоқистон берун кунанд.

Дар натиҷаи санҷиши мутахассисон дар биноҳои сафоратхонаҳо чизе, ки ба маводи тарканда шабоҳат дошта бошанд, пайдо нашудааст.

Ёдовар мешавем, ки баъд аз эътирози мардум дар Қазоқистон, раисиҷумҳури ин кишвар Қосим-Ҷомарт Тоқаев аз кишварҳои узви СААД хоста буд, ки барои “рафъи хатари террористӣ” ба ӯ кумак кунанд ва ҳоло дар ин кишвар низомиёни Арманистон, Белорус, Қирғизистон, Русия ва Тоҷикистон ҳузур доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.