22.9 C
Dushanbe

Сармурабби нави дастаи футболи Тоҷикистон

Гела Шекиладзе, сармураббии нави дастаи футболи Тоҷикистон интихоб шуд.

Бино ба иттилои расмӣ, 21-уми феврали соли 2024, Гела Шекиладзе, мутахассиси 53-солаи гурҷӣ сармураббии нави дастаи миллии футболи Тоҷикистон интихоб шуд.

Ба қавли манбаъ, ин мутахассиси шинохтаи Гурҷистон дар давраи бозиҳои “Ҷоми Осиё-2023” ёвари Петр Шегрти, сармураббии харватӣ дар тими миллии футболи Тоҷикистон буд ва футболбозони кишварамон ҳам бо вай аз наздик ошно ҳастанд.

Инчунин дар ин давра Тамаз Бокерия, мутахассиси дигари гурҷӣ ёвари Гела Шекиладзе дар тими миллии футболи Тоҷикистон хоҳад буд. “Алишер Тӯйчиев мураббии дарвозабонони тими миллии Тоҷикистон ва Алифбек Беромов мураббӣ-таҳлилгари даста боқӣ мемонанд.”

Гуфта мешавад, “Гела Шекиладзе айёми футболбозӣ дар дастаҳои “Динамо-Батуми” (Гурҷистон), “Лйерс” (Белгия), “Руселаре” (Белгия), “Арсенал” (Украина) ва ССКА (Украина) ба ҳайси ҳимоятгар бозӣ кардааст. Вай дар ҳайати тими миллии Гурҷистон 22 бозӣ анҷом додааст.

Солҳои 2007-2011 Гела Шекиладзе дастаҳои миллии Гурҷистонро (U-15, U-16, U-19, U-21) роҳбарӣ намуда, инчунин ёвари сармураббӣ Петр Сегрт дар тимҳои миллии Гурҷистон, Афғонистон, Молдив ва Тоҷикистон буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.