32.9 C
Dushanbe

СҶБ гуфт, ки кай бемории ҳамагир ба охир мерасад

Аз ин ба баъд ҳар сол моҳи декабр рӯзи байналмиллалии пешгирӣ аз паҳншавии COVID-19 таҷлил мешавад.

Бино ба навиштаи хабаргузории (DW) Роҳбари Созмони ҷаҳонии беҳдошт, Тедрос Аданом Гебрейесус дар нишасти ахири ин созмон гуфта, ки ҷаҳон он вақт аз хатари бемории ҳамагир комилан халос шуда метавонад, ки инсоният ба масъалаҳои мубрами сайёра таваҷҷуҳ зоҳир кунад. Вагарна, ба гуфтаи ӯ, инсониятро пандемияҳои аз ин ҳам бештару бадтар дар интизор аст.

Ба андешаи Тедрос пайдоиш ва интишори бемории COVID-19 охирин вабои аср нахоҳад буд, ки ҷомеаи инсонӣ бо он рӯ ба рӯ мешавад. Ба гуфтаи ӯ, аз рӯи пешгӯиҳои олимон башарият дар оянда низ бо вабоҳои муҳлике дучор хоҳад шуд.

Раҳбари ин созмон дар паёми видеоии худ ба муносибати рӯзи байналмиллалии пешгирӣ аз пандемия гуфт, “Таърих ба мо меомӯзад, ки инсоният бо пандемияҳои гуногун сару кор дорад”.

Вай гуфт, ки қаблан коршиносон пайдошавии пандемияи вируси коронаро пешгӯӣ карда буданд ва ҷаҳонро ҳушдор доданд, аммо ҳушдори онҳо нодида гирифта шуд.

Ӯ мегӯяд, “бисёр кӯтаҳандешӣ” аст, ки агар ҷаҳон барои мубориза бо ин пандемия маблағҳои зиёд харҷ кунад, вале дар фикри хатарҳои оянда набошад.

Ба назари ӯ, ҳукуматҳо ва ҷомеаи инсонӣ бояд системаҳои тандурустиро тақвият диҳанд, “то фарзандон ва наслҳои баъдии мо дар ҷаҳони амнтар ва устувортар зиндагӣ кунанд.”

Раҳбари Созмони ҷаҳонии беҳдошт дар ин паёми худ афзуд, агар мардуми ҷаҳон ба тағирёбии иқлим ва хатарҳои экологии сайёра ҷиддӣ муносибат накунанд, ҳама талошҳо барои беҳбуди саломатӣ барбод хоҳад рафт.

Созмони ҷаҳонии беҳдошт дар гузориши худ мегӯяд, пандемияи COVID-19 моро ба ин зудӣ тарк карданӣ нест. “Давоми 30 соли ахир ин аввалин бор аст, ки иқтисод ва рушди башарӣ зарбаи муҳлик мебинад ва шояд ҳудуди 1 миллиард инсон дар рӯи замин ба ҳолати фақр рӯ ба рӯ шаванд”.

Дар нишасти ин созмон гуфта шуд, ки исоният дар ин аср бар зидди худ ҷанг эълон кардааст ва ин натиҷаи ҳамон ҷангест, ки мо мебинем.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.