32.9 C
Dushanbe

Шаҳбол Мирзоев дар беморхонае дар шаҳри Хуҷанд даргузашт

Шаҳбол Мирзоев, сарбозе, ки дар артиш бо сабаби бадрафтории ҳамхидматаш маъюб шуда ва аз ҷой хеста наметавонист, шаби 1 феврал аз олам даргузашт. Гуфта мешавад, ки Шаҳбол дар беморхонае дар шаҳри Хуҷанд даргузаштааст.

Радиои Озодӣ аз қавли модари Шаҳбол, Зайтуна Мирзоева, менависад, ки “Рӯзи чаҳоршанбеи гузашта баъди қайкунии зиёд, дарунравӣ ва камхунияш аз клиникаи физиотерапевтии шаҳри Хуҷанд дар бемористони вилоятӣ бистарӣ карданд. Панҷ рӯз дар шӯъбаи эҳё қарор дошт.”

Сабаби вафоти Шаҳбол то ҳол маълум нест, аммо тибқи гуфтаи падараш, ҳафтаи гузашта аҳволаш бад шуд ва ӯро аз дармонгоҳи офиятбахшии шаҳри Хуҷанд ба беморхонаи марказии вилоят бурда буданд. Ӯ дар мусоҳибае ба Радои Озодӣ 29 январ гуфта, ки “Ҳарораташ баланд мешуд, қай мекард.”

Шаҳбол Мирзоев соли 2014 ҳангоми адои хизмати ҳарбӣ аз ҷониби як ҳамхизматаш мавриди лату кӯб қарор гирифт, ки дар натиҷа устухони гардан ва миёнаш маҷруҳ шуда, то дами марг дигар аз ҷой хеста наметавонист.

Табибон он замон гуфта буданд, ки барои табобати Шаҳбол вақти зиёд лозим аст. Ҳарчанд додгоҳ моҳи ноябри соли 2014 Усмоналӣ Ғайратов, як ҳамхизматашро ба 9 соли зиндон маҳкум кард, вале бо қонуни авф ду солаш кам карда шуд.

Ҳамчунин барои рафъи зарарҳои моддӣ ва маънавӣ волидайни Шаҳбол Сарраёсати нерӯҳои марзбонии КДАМ-и Тоҷикистонро ба додгоҳ кашиданд. Вакили дифои Шаҳбол, Дилшод Ҷураев гуфта буд, ки 180 ҳазор сомонӣ ҷуброни зарари маънавӣ ва 97 ҳазор ҷуброни зарари моддӣ талаб карда буданд, аммо додгоҳи ҳарбии гарнизонии Душанбе рӯзи 22 ноябри соли 2016 паси дарҳои баста Сарраёсати нерӯҳои марзбониро ба пардохти 41 ҳазор сомонӣ ҷуброни моддӣ ва маънавӣ муваззаф кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.