6.9 C
Dushanbe

Шаҳрвандони Тоҷикистон аз якуми моҳи ноябр метавонанд барои адои Умра сафар кунанд

Сурат: afp

Шаҳрвандони Тоҷикистон аз якуми ноябр метавонанд барои адои Умра ба Арабистони Саудӣ сафар намоянд. Давлати Саудӣ Тоҷикистонро шомили кишварҳое кардааст, ки шаҳрвандонашон ҳақ доранд маросими Умраро аз моҳи оянда шуруъ кунанд.

Афшани Муқим сухангуйи Кумитаи дини Тоҷикистон ба “Азия- Плюс” гуфтааст:

“Мо дар расонаҳо хондем, ки Арабистони Саудӣ ба шаҳрвандони Тоҷикистон иҷозаи Умра карданро додааст. Дар ҳоли ҳозир раҳбарии ширкатҳои “Расул” ва “Ормон”, ки ба ҳамлу нақли шаҳрвандони Тоҷикистон барои адои Умра сару кор доранд, машғули омода кардани санадҳои лозим барои сафарбар кардани гурӯҳи аввал ҳастанд”.

Ин тасмим пас аз оне гирифта шуда, ки Арабистони Саудӣ барои пешгирии аз паҳншавии бемории COVID-19 марзҳои худро бар рӯйи ҳама давлатҳо баст ва баъд аз моҳи (июн) ба тадриҷ Умра намуданро барои мусалмонони дунё иҷозат дод.

Тибқи маълумоти Кумитаи дин, соли гузашта 3 ҳазору 273 шаҳрванди Тоҷикистон ибодати Умраро анҷом дода буданд.

Вазорати Ҳаҷ ва Умраи Саудӣ хабар додааст, ки зоирин бояд қарантини серӯзаро ҳангоми расидан ба ин кишвар пушти сар кунанд. Мувофиқи  қоидаҳои давраи ҳамагирии коронавирус зоирин бояд пеш аз 72 соати расидан ба Саудӣ тест супорида бошанду маълумотномаи гирифтор набудан ба коронавирусро бо худ дошта бошанд.

Ҳамчунин мувофиқи қоидаҳои нав дар ин марҳила танҳо ба шаҳрвандони аз 18 то 50-сола иҷозаи адо кардани маросими Умра дода мешавад.

Гуфта мешавад, зоирини хориҷӣ дар ин давра ба гурӯҳҳо ҷудо карда мешаванд, ки набояд як гурӯҳ бештар аз 50 нафар бошад. Баъд аз хуруҷи коронавирус дар ҷаҳон Арабистони Саудӣ вуруди шаҳрвандони хориҷӣ, аз ҷумла,Тоҷикистонро ба кишвараш барои адои Умра муваққатан боздошта буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.