Шаш давлат пайи ҳам истифода аз ваксинаи “AstraZeneca”-ро мутаваққиф карданд
Ирландия шашумин кишварест, ки тазриқи ваксинаи “AstraZeneca”-ро мутаваққиф кард. Дар пайи истифода аз ин ваксин дар Шветсия ҳолати лахт бастани хун дар як бемор сабт шуда, аммо дар Италия боиси марги як зан шудааст. Вале мутахассисон мегӯянд, иллати марги ин зан то ҳол маълум нест, ки дақиқан ба ваксин рабт дошта бошад.
Ба гузориши (DW) Вазорати беҳдошти Ирландия дар Дублин гуфта, ки дар пайи мушоҳидаи лахта шудани хун ҳангоми задани ваксинаи “AstraZeneca”, ҳукумати Ирландия бо мақсади эҳтиёт аз истифодаи ин ваксина худдорӣ мекунад.
Аввалан, Дания ваксинзаниро бо ваксинаи “AstraZeneca” муваққатан қатъ кард. Ба дунболи он Норвегия, Исландия, Булғористон ва Австрия истифодаи ин ваксинаро низ мутаваққиф карданд.
Италия низ ин ваксинаро пас аз марги як зане, ки аз ин ваксина ба ӯ зада шуд, аз истифода берун кардааст.
Робита байни лахтаҳои хун ва ваксинаи “AstraZeneca” ҳанӯз муайян карда нашудааст. Созмони ҷаҳонии беҳдошт ва Ожонсии доруии Аврупо низ тардид дар мавриди бехатар будани ваксинаро инкор мекунанд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.