Шикори муҳоҷирон дар Русия ва ихроҷи онҳо аз ин кишвар (Видео)
Хадамоти матбуоти Сарраёсати корҳои дохилии вилояти Иркутск хабар дод, ки аз 4 то 10 январ дар рейд бо кормандони идораи муҳоҷирати хориҷӣ (УВМ), Маркази мубориза бо экстремизм ва нирӯҳои ОМОН ва Росгвардия 208 маконе, ки шаҳварвондони хориҷӣ дар онҷо сукунат доштаанд, қонунӣ будани буду боши шаҳрвандӣ санҷида шуд.
Бино ба хабарҳое, ки Хадамоти матбуоти ин ниҳод нашр кард, дида мешавад, ки дар байни муҳоҷирони боздоштшуда зодагони кишварҳои Осиёи Марказӣ, аз ҷумла муҳоҷирон аз Тоҷикистон низ зиёданд.
Дар хабар гуфта мешавад, ки “дар натиҷаи санҷишҳо 6 мавриди сабти номи қалбакии шаҳрвандони хориҷӣ ошкор карда шудааст. Нисбат ба вайронкунандагони қоидаҳои будубош 45 протоколи маъмурӣ тартиб додаанд”.
“Ҳамчунин як шаҳрванди 42-солаи Қирғизистон ва як шаҳрванди 23-солаи Тоҷикистон бо иттиҳоми тақаллуби аснод барои воридшавии ғайриқонунӣ ба қаламрави Русия боздоштаанд”, - омадааст дар хабар.
Ин дар ҳолест, ки қабалн Президени Русия муҳоҷирони кориро то моҳи июни 2021 аз патент ва сабти ном озод намуда буд, вале боз дида мешавад, ки кормандони пулиси ин кишвар муҳоҷиронро ба ҳар баҳонае боздошт мекунанд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.