Бо фарорасии Иди Қурбон нархи маҳсулоти хӯрока дар дукону бозорҳои кишвар хеле гарон шудааст.
Вазъияти гаронии нархи маҳсуло сокинонро нигарон кардааст. Бархе мегӯянд, ки ҳамасола бо наздик шудани иду ҷашнҳо, бахусус идҳои мазҳабӣ, чун Иди Рамазон ва Иди Қурбон, мурдум шоҳиди болоравии якбораи нархи маҳсулот мешаванд, вале мақомот ба ҷои он ки бозорҳо ва нарху наворо назорат кунанд, дастархони мардумро назорат мекунанду дегу косаи онҳоро.
Аз ҷумла, дар бозору мағозаҳои вилояти Хатлон нархи маҳсулоти ғизоӣ ба таври қобили мулоҳиза боло рафта, сокинонро ба ташвиш овардааст. Айни ҳол як килограмм гӯшт то 100 сомонӣ, тухм то 50 сомонӣ ва меваҷот чун себ, шафтолу, гелос ва ғайра бо нархҳои баланд ба фурӯш бароварда мешаванд.
Дар ҳамин ҳол пулиси шаҳри Душанбе низ хабар додааст, ки дар пойтахти кишвар як гурӯҳи кори ташкил дода аст, то аз худсарона боло бурдани қимати маҳсулоти хӯрокворӣ, пешгирӣ кунанд. Ба гуфтаи полиси пойтахт , дар давоми як рӯз аз ҷониби гурӯҳҳои корӣ 80-далели бе нархнома ва бо нархи қимат фурӯхтани маҳсулоти гуногуни хурокворӣ муайян карда шуда, соҳибкорону фурӯшандагони қиматфурӯшро барои ин корашон ҷарима кардаанд
Инчунин нархи роҳкиро аз Душанбе ба дигар минтақаҳои кишвар низ боло рафтааст. Мусофирони Душанбе-Кӯлоб мегӯянд, нархи роҳкиро, ки 50-60 сомониро ташкил медод, ҳоло бошад 120-150 сомни шудааст.
Сокинон мегӯянд, ҳамасола дар рӯзҳои наздик ба идҳо, нархи маҳсулот беасос гарон мешавад ва ин ба буҷаи оилавӣ зарба мезанад. Онҳо мегӯянд, Идҳо бояд шодӣ биёрад на фишорӣ иқтисодӣ
