9.9 C
Dushanbe

Шикояти Пирмуҳаммадзода аз шароити бади зиндони Хуҷанд

Рӯзноманигори зиндонӣ Абдусаттор Пирмуҳаммадзода дар мулоқот бо пайвандонаш аз шароити бади маҳбаси шаҳри Хуҷанд шикоят карда, хостааст, ки ӯро ба ҷойи дигар бибаранд.

Мулоқоти ин зиндонии сиёсӣ бо пайвандонаш рӯзи 17-уми март дар маҳбаси шаҳри Хуҷанд, ки ӯро аввали ҳамин моҳ ба онҷо интиқол дода буданд, сурат гирифтааст.

Абдукарим Пирмуҳаммадзода дар суҳбат ба Радиои Озолӣ гуфтааст, ки ба сабаби вазъияти бади зиндон бемории менингит (варами майнаи сар)-и бародараш Абдусаттор Пирмуҳаммадзода хуруҷ карда, лоғар шудааст.

Ин рӯзноманигори зиндонӣ ба пайвандонаш гуфтааст, ки дар як утоқи зиндон тақрибан 60 маҳбусро нигоҳ медоранд ва обе, ки барои маҳбусҳо меоранд, қобили истифода нест.

Абдукарим Пирмуҳаммадзода мегӯяд, ки баъд аз мулоқоти наздикон бо бародараш дар зиндон ба сардори Сарраёсати зиндонҳои Вазорати адлия, Мансур Умаров нома навишта, хостааст, ки ӯро ба маҳбасҳои наздик ба Душанбе биоранд.

Гуфта мешавад, ин бори аввал нест, ки аз шароити тоқатфарсои зиндонҳои кишвар ва азобу шиканҷа дар он маҳбусон шикоят мекунанд. Аммо бо вуҷуди ин ҳама мушкилот мақомоти зиндонҳо дар пайи ислоҳи он нестанд.

Аз ин пештар, Абдусаттор Пирмуҳаммадзода моҳи октябри соли гузашта аз дохили зиндон бо навиштани номае гуфта буд, ки зери шиканҷа гуноҳи нокардаро ба дӯш гирифтааст.

Ӯ дар ин номаи худ, ки дастӣ навишта шудааст, гуфта буд: “Ҳашт-даҳ рӯзи азобу уқубат, изолятсияи комил, таҳдиду таҳқир ва расидан ба аъзои оилаам водор кард, ки гуноҳи накардаро ба дӯш бигирам.”

Абдусаттор Пирмуҳаммадзода, аз ҷумлаи рӯзноманигоронест, ки пас аз саркӯби хабарнигорон дар Тоҷикистон аз ҷониби мақомот боздошт ва бо иттиҳомоти сохта (ҳамкорӣ бо созмонҳои мамнӯъ) барои 7 сол равонаи зиндон гардид.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.