Рустами Эмомалӣ, шаҳрдори Душанбе дар маросими ҷанозаи модарбузургаш ширкат накард.
Ба гузориши “Бомдод”, писарбузурги Эмомалӣ Раҳмон то ноҳияи Ҷалолиддин Балхӣ дар вилояти Хатлон барои видоъ бо бибиаш Узбекбӣ Асадуллоева рафт, вале дар маросими ҷанозаи ӯ ширкат накардааст.
Узбекбӣ Асадуллоева, ки дирӯз бо нишонаҳои коронавирус дар бемористони маъруф ба “клиникаи Мансуров”-и шаҳри Душанбе дар синни 88-солагӣ дунёи фониро тарк кард, субҳи имрӯз дар ҷамоати “Наврӯз”(собиқ Чапаев) ба хок супорида шуд.
Ҳасан Асадуллозода, раиси “Ориёнбонк” ва молики ширкати “Сомон-Эйр”, ки додараруси Эмомалӣ Раҳмон ва писарбузурги марҳума Узбекбӣ Асадуллоева аст, бо фарзандону бародарон ва наберагони майит аз иштирокчиёни асосӣ дар ин маросим унвон шудаанд.
Гуфта мешавд, дар маросими ҷанозаи марҳума ҳудуди 7 ҳазор нафар ширкат карда, намози ҷаноза бо имоматии раиси Шӯрои уламои Маркази исломии Тоҷикистон ҷаноби Саидмукаррам Абдуқодирзода баргузор шудааст.
Эмомалӣ Раҳмон, ки тайи як даҳсолаи ахир ҷузъе аз сиёсатҳои режимашро алайҳи намодҳо ва арзишҳои исломӣ равона кардааст, дар аксар маврид не дар маросими ҷанозаи наздикону пайвандонаш ширкат мекунад ва на расман ба онҳо таъзия мефиристад.
Ширкат накардани Рустами Эмомалӣ, писари президент Раҳмон дар маросими ҷанозаи модарбузургашро бархе ҳолдонҳо ба ду иллат рабт медиҳанд:
яке тарс ва дигаре надонистани тарзи дурусти намоз хондан.
