14.9 C
Dushanbe

Шоҳиён Иргашев ва ҳамроҳонашро “саркардаҳои гурӯҳҳои ҷиноятӣ” номид

Шермуҳаммад Шоҳиён, раиси Суди Олии Тоҷикистон чеҳраҳои шинохтаи ҷомеаи шаҳрвандии Вилояти Мухтори Кӯҳистони Бадахшонро пеш аз ҳукми ниҳоии додгоҳ “саркардаҳои гурӯҳҳои ҷинотӣ” номид.

Имрӯз, 14-уми июли соли 2022 зимни нишасти хабарӣ Шермуҳаммад Шоҳиён раиси Суди Олии Тоҷикистон дар посух ба суоли рӯзноманигорон Улфатхоним Мамадшоева ва Фаромӯз Иргашевро “саркардаҳои гурӯҳи ҷиноятӣ” номида, гуфт, ки тафтишот идома дорад ва парванда ба додгоҳ нарасидааст.

Як рӯзноманигор дар ин нишасти хабарӣ аз Шоҳиён пурсид, ки парвандаи рӯзноманигор Улфатхоним Мамадшоева, генерал Холбаш Холбашев ва адвокатҳо Фаромӯз Иргашев ва Манучеҳр Холиқназаровро, ки дар пайи ҳодисаҳои ахири Бадахшон боздошт шудаанд, оё ба додгоҳ расидааст ва онҳо ба кадом моддаҳо гумонбар мешаванд? Дар посух Шоҳиён гуфт, ки онҳо “саркардаҳои гурӯҳҳои ҷиноятӣ”-и Вилояти Мухтори Кӯҳистони Бадахшон буда, то ҳол тафтишот идома дорад ва парванда ба мақомоти судӣ ворид нагардидааст.

Шоҳиён дар ҳоле аз ин нафарон “саркардаҳои гурӯҳи ҷиноятӣ” ном мебарад, ки то ҳол ҳукми додгоҳ нисбати ин ашхос содир нашуда, тафтишот ҳам ба анҷом нарасидааст.

Дар идома Шермуҳаммад Шоҳиён мегӯяд, ки судҳои ВМКБ якчанд парвандаҳои маъмурӣ нисбати шаҳрвандоне, ки майдавбошӣ содир кардаанд, мавриди баррасӣ қарор дода, тибқи талаботи қонун нисбати онҳо ҷазоҳои маъмурӣ татбиқ гардидааст.

Инчунин Шоҳиён зикр кард, ки тафтишоти парвандаҳои нафароне, ки дар ҳодисаҳои охири Бадахшон иштирок карда, на онқадар ҷиноятҳои вазнин содир кардаанд, ба мақомоти судӣ ворид шуда истодаанд ва дар нишастҳои матбуотии оянда дар бораи онҳо маълумот хоҳад дод.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.