-2.1 C
Dushanbe

Соли 2021 Русия барои муҳоҷирон дар кадом соҳа бештар кор медиҳад?

Интернет -портали расмии маълумоти ҳуқуқӣ қарори сарвазири Русия Михаил Мишустинро нашр кардааст, ки дар он ҳиссаи иҷозашудаи коргарони хориҷӣ дар фаъолиятҳои ҷудогонаи иқтисодӣ барои соли 2021 дар Русия дарҷ ёфтааст.  

Дар ин қарор ҳиссаи қувваи кирояи хориҷӣ барои як қатор навъҳои фаъолияти иқтисодӣ, ки дар он асосан муҳоҷирони меҳнатӣ фаъолият мекунанд, муайян карда шудааст.

Дар санад зикр гардидааст, ки дар соли 2021, 50% ҳиссаи иҷозашудаи кормандони хориҷӣ дар соҳаҳои парвариши сабзавот ва истеҳсоли мебел, инчунин ҷангалпарварӣ ва коркарди чӯбу тахта, – 24% дар соҳаи нақлиёти боркаши мусофирбари заминӣ ва автомобилӣ аз шумори умумии кормандонро дар бар мегирад.

Тибқи ин қарор шумораи ҷойҳои ҷудогардида соҳаи сохтмон 80% гуфта шудааст, ки чунин ҷойҳои корӣ барои муҳоҷирон дар Бурятия, Доғистон, вилояти Амур ва Маскав пешниҳод намешавад. Барои Доғистон он дар сатҳи 50% муайян шудааст.

Дар мағозаҳои махсуси савдои чаканаи машрубот бо шумули оби ҷав (пиво) ва маснуоти тамоку ҳиссаи муҳоҷирони меҳнатӣ дар сатҳи 15% аз шумори умумии коргарон муқаррар гардидааст.

25% – ҳиссаи корӣ барои муҳоҷирони меҳнатӣ дар бахшҳои варзиш ва дигар соҳаҳо ҷудо гардидааст.

Дар идоракунии амволи ғайриманқул бо пешниҳоди мукофотпулӣ ё бар асоси шартнома, инчунин дар соҳаи хоҷагии манзилию коммуналӣ (ХМК) барои хизматрасонӣ дар биноҳо ва роҳравҳо ба муҳоҷирон 70% ҳисса аз шумори умумии коргарон ҷудо шудааст.

Барои муҳоҷирон дар соли 2021 дар дорухонаҳо, иншооти сайёри савдо ва бозорҳо, инчунин савдои чакана дар ҳудуди берун аз мағоза, хаймаҳо ва бозорҳо ҷойҳои корӣ ҷудо нагардидааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.