23.2 C
Dushanbe

Шумори қурбонинёни обхезӣ дар Либия аз 5 ҳазор гузашт

Бино ба маълумоти расмии мақомоти Либия, шумори ҳалокшудаҳо дар обхезӣ дар шарқи ин кишвар ба 5300 нафар расида, шумори онҳое, ки беному нишон гаштаанд, марзи 35 ҳазорро ҳам гузашт.

Бархе расонаҳо бо такя ба дафтари матбуотии раиси парлумони Либия навиштаанд, ки оморҳои ғайрирасмӣ нишон медиҳад, шумори кушташудаҳо дар пайи ин обхезӣ аз 7 ҳазор нафар ҳам бештар аст.

Мудири Салиби Сурх дар Либия рӯзи чоршанбе ба “Ал-Ҷазира” гуфта, ки ба сабаби харобу нобуд шудани роҳҳо ба қисмати шарқии кишвар, аз ҷумла шаҳри Дарна, расидани грӯҳи имдодрасонӣ душвор шуда, гурӯҳҳои наҷот наметавонанд сари вақт худро ба ҷойҳои офатзада бирасонанд.

Ӯ мегӯяд, вазифаи аввалиндараҷаи мо дар ин шаҳр, ки аз ҳама бештар зарар дидааст, ҷамъоварии ҷасадҳои беҷони одамоне аст, ки то ҳол дар аксар ҷойҳо вуҷуд доранд.

Ин масъули либӣ мегӯяд, зараре, ки ин обхезии мудҳиш ба шаҳри Дарна расондааст, ҳеч кас рух додани чунин фоҷеаро ба ин бузургӣ пешбинӣ намекард. Ӯ афзуд, ки ҳатто бартараф кардани паёмадҳои он ҳам дар қудрати ҳеч ҳукумате нест.

Ёдовар мешавем, ки рӯзи якшанбе, 10-уми сентябр тӯфони шадиде, ки “Дониёл” номгузорӣ шудааст, чанд шаҳри Либия, аз ҷумла Бинғозӣ, Байзо, Суса, Дарна ва дигар манотиқи ин кишварро зерурӯ кард.

Бино ба иттилои расмии Либия, тӯфони шадид 25 дарсади шаҳри Дарнаро пурра нобуд кардааст. Коршиносон гуфтаанд, ба сабаби он ки дар ин шаҳр саде барои пешгирӣ аз чунин тӯфонҳо бунёд ёфта буд, он дар пайи тӯфони мазкур канда шуда, шаҳр зери об мондааст.

Рӯзи душанбе раиси ҳукумати Либия Абдулҳамид Дбейба бо ташкили ҷаласаи изтирорӣ 3 рӯз дар тамоми кишвар мотам эълон кард ва ба тамоми масъулини ҳукуматаш амр дода, ки бидуни истисно дар кумаки мардуми зарардида ва бо онҳо бошанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.