36.9 C
Dushanbe

Шӯрои уламои мусалмонони Русия марокизи фатво

Албир Крганов сурат: РИА Новости / Александр Натрускин

Шӯрои уламои мусалмонони Русия дар 18 минтақаи кишвар барои муҳоҷирон Маркази имдодрасонӣ ифтитоҳ мекунад. Тамоми муҳоҷирон новобаста аз мазҳабу миллаташон метавонанд муроҷиат кунанд.

“РИА Новости” хабар дод, ки дар Русия Маркази ҳифзи ҳуқуқии муҳоҷирон аз ҷониби Шӯрои уламои мусалмонони Русия ифтитоҳ мешавад.

Гуфта мешавад, ки дар Марказ, барои муҳоҷирон телефони боварӣ фаъол шуда, ки онҳо новобаста аз миллат ва мазҳабашон метавонанд ба он занг зада, кӯмак дарёфт кунанд, барои муроҷиат будубоши қонунӣ ё ғайриқонунии муҳоҷирон муҳим нест, навиштааст “РИА Новости”.

Раиси Шӯрои уламои мусалмонони Русия Албир Крганов гуфтааст, ин лоиҳа дар 18 минтақаи Русия ба роҳ монда шудааст.

“Дар давоми чанд ҳафта мо сомонаи “Росмигрант.рф”-ро бо чанд забон роҳандозӣ мекунем. Дар он ба масоили муҳоҷиратӣ маълумот дода, хоҳишмандон метавонанд ба саволҳояшон тариқи WhatsApp, Viber ё тариқи паёмак посух гиранд”, – изҳор доштааст Крганов.

Раиси Шӯрои уламои мусалмонони Русия дар идома гуфтааст, ба муҳоҷироне, ки дар Русия ғайриқонунӣ ба сар мебаранд бояд кӯмак кард, то тибқи қонунгузории кишвар будубошашонро танзим диҳанд.

Крганов дар идома иброз доштааст, ки дар бештари ҳолатҳо ин муҳоҷиронро корфармоён истифода мебаранд ва шаҳрвандони хориҷӣ наметавонанд аз ҳуқуқҳояшон ҳимоя кунанд.

“Мо ҳама якҷо барои ҳалли мушкилии эшон кӯшиш хоҳем кард, зеро мақсади мо кӯмак аст, на ҷарима ва ё ихроҷ”, –  гуфтааст, Крганов.

Дар идома раиси Шӯрои уламои мусалмонони Русия иброз доштааст, ки дар навбати худ Шӯрои уламои мусалмонони Русия бо ташкилотҳои ғайритиҷоратӣ, сафоратхонаҳо, ВКД, ки ин лоиҳаро пешниҳод кардаанд, ҳамкорӣ мекунад. Ин амал ифротгароӣ ва ҷиноятро пешгирӣ мекунад ва муносибатҳои байниқавмӣ ва байнимазҳабиро қавӣ мегардонад ва боиси зудтар одат кардани муҷоҳирон ба муҳити Русия мегардад.

Ҳамчунин гуфта шудааст, ки Шӯрои уламои мусалмонони Русия давоми пандемияи коронавирус ба муҳоҷирон кӯмаки моддӣ низ расонидааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.