26.9 C
Dushanbe

СММ: ҷорӣ шудани таҳримҳои нав алайҳи раҳбарони Толибон

Кумитаи таҳримҳои Созмони Миллали Муттаҳид вазири маориф ва муовини ӯ дар ҳукумати муваққати Толибонро аз сафар манъ кардааст.

Расонаҳои Афғонистон ба нақл “Франс Пресс” иттилоъ додаанд, ки Кумитаи таҳримҳои Созмони Милали Муттаҳид (СММ) мавлавӣ Абдулбоқӣ Ҳаққонӣ, вазири маориф ва Саид Аҳмад Шаҳидхел, муовини вазири маорифи ҳукумати муваққати Толибонро аз сафар кардан ба хориҷ манъ кардааст.

Ба қавли манбаъ, Кумитаи таҳримҳои СММ далели ҷорӣ кардани ин таҳримҳоро алайҳи вазири маориф ва муовини он дар бастагӣ ба манъ кардани таҳсилоти духтарон дар Афғонистон қаламдод кардааст.

Аммо Кумитаи таҳримҳои Созмони Милали Муттаҳид розӣ шуда, ки муҳлати муъофияти 13 мақоми баландпояи Толибонро барои се моҳи дигар тамдид кунад.

Гуфта мешавад, Толибон 15-уми августи соли 2021 пас аз фирори Ашраф Ғанӣ, собиқ президенти Афғонистон қудратро дар Кобул ба тасарруфи худ дароварданд, вале бо гузашти беш аз 10 моҳ то ҳол бо далелҳои мухталиф, аз он ҷумла, манъи таҳсили духтарон, ҳеч кишваре ҳукумати муваққати онҳоро ба расмият нашинохтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомоти Русия шаҳрвандони тоҷикро бо ваъдаи пул ба ҷанг даъват мекунанд

Муҳоҷирони кории тоҷики муқими Русия мегӯянд, мақомоти ин кишвар бо роҳҳои гуногун барои онҳо даъватнома фиристода, бо ваъдаҳои зиёди пулӣ онҳоро барои ҷанг ба Украина ҷалб мекунанд.

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.