14.9 C
Dushanbe

СММ: дар ҷаҳон беш аз 40 млн нафар дар шароити ғуломӣ зиндагӣ мекунанд

Антонио Гутериш. Сурат: nsn.fm

Дабири кулли Созмони Милали Муттаҳид Антонио Гутерриш гуфт, ки беш аз 40 миллион нафар дар ҷаҳон, ҳоло ҳам дар шароити ғуломӣ зиндагӣ мекунанд. Дар ин бора хабаргузории ТАСС бо истинод ба изҳороти расмии дабири кулли СММ хабар дод.

Дабири кулли СММ мегӯяд, беш аз 40 миллион нафар, шомили 25 миллион инсоне, ки водор ба кори маҷбурӣ шудаанд ва 15 миллион нафаре, ки ба зӯр издивоҷ кардаанд, қурбонии ғуломдории муосир ҳастанд.

Тибқи гуфтаи Гутерриш, беш аз 70% қурбониёни ғуломии муосир занон буда ва аксари онҳо ноболиғон мебошанд. Изҳороти дабири кулли ин созмон ба “рӯзи байналмилалии маҳви ғуломдорӣ” рост меояд.

Гутерриш хотиррасон кард, ки гурӯҳҳои осебпазири аҳолӣ, намояндагони ақаллиятҳои нажодӣ, табақаҳои камбизоати аҳолӣ ва муҳоҷирон мебошанд. Ҳамчунин дар ин гузориши Дабири кулли СММ гуфта мешавад, ки қурбониёни қочоқи инсон ва тиҷорати ҷинсӣ, шомили ин гурӯҳ мешаванд.

Ӯ ҳамчунин аз истифодаи кӯдакон дар ҷангҳо изҳори нигаронӣ кард.

Антонио Гутерриш аз ҳамаи аъзои СММ даъват кард, ки дар ин самт барои решакан кардани “амалҳои нафратангези” ғуломдорӣ ва хариду фурӯши одамон талош кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.