6.9 C
Dushanbe

СММ озодиҳои динӣ дар Тоҷикистонро арзёбӣ мекунад

Қарор аст ҳафтаи оняда гузоришгари вежаи Созмони Миллали Муттаҳаид (СММ) дар умури озодиҳои динӣ ба Тоҷикистон сафар кунад.

Бино ба иттилои маркази матбуоити СММ, хонум Нозила Ғана, гузоришгари вежаи СММ дар умури озодиҳои динӣ аз рӯзҳои 11-ум то 21-уми апрели соли ҷорӣ барои арзёбии озодиҳои динӣ, ақаллиятҳои мазҳабӣ, озодии баён, баробарии зану мард ва ҳуқуқи кӯдакон ба Тоҷикистон сафар мекунад.

Гузоришгари вежаи СММ ҳамчунин талошҳои Тоҷикитонро дар ростои фароҳам овардани шароити ҳамзистиии осоиштаи пайравони мазҳабҳои мухталиф ва ба ҳам овардани онҳоро дар мубориза бо ифротгароӣ арзёбӣ хоҳад кард.

Интизор меравад, Гузоришгари вежаи СММ дар ҷараёни боздиди 11-рӯзаи худ бо мақомоти давлатии Тоҷикистон, рӯҳониён, намояндагони ақаллиятҳои мазҳабӣ ва фаъолони ҷомеаи шаҳрвандӣ мулоқот хоҳад кард. Гуфта мешавад, вай ҳамчунин аз мақомоти тоҷик масъалаи боздид аз шаҳрҳои Хоруғ, Хуҷанд ва дигар минтақаҳои Тоҷикистон дархост хоҳад кард.

Дафтари матбуоти СММ мегӯяд, хонум Нозила Ғана дар поёни сафараш рӯзи ҷумъа, 21-уми апрели соли ҷорӣ соати 15:00 ба вақти маҳаллӣ дар қароргоҳи СММ дар Душанбе нишасти хабарӣ доир карда, мушоҳидаҳо ва хулосаи маъмурияташро ба хабарнигорон иро хоҳад кард.

Гуфта мешавад, хонум Нозила Ғана дар моҳи марти соли 2024 хулосаи сафари худ ба Тоҷикистонро ба Шӯрои ҳуқуқи башари СММ дар Женева гузориш медиҳад.

Сафари гузоришгари СММ дар умури озодиҳои динӣ ба Тоҷикистон дар ҳолест, ки аз соли 2016 ба ин тараф ҳамасола Ҳукумати Эмомалӣ Раҳмон аз ҷониби созмонҳои байналмилалӣ ҳамчун поймолкардани озодиҳои динӣ, адами риояи ҳуқуқу озодиҳои ақаллиятҳои мазҳабӣ ва ғайра мавриди интиқод сахт қарор мегирад.

Амрико дар гузориши ахири худ дар мавриди озодиҳои динӣ Тоҷикистонро ҳамчун як кишвари поймолкунандаи ҷиддии озодиҳои динӣ муаррифӣ кард. Инчунин созмонҳои ҳуқуқи башарӣ дар гузоришҳои худ борҳо овардаанд, ки Тоҷикистон бо баҳонаи мубориза бо терроризму ифротгароӣ маҳдудиятҳои зиёде болои диндорон ҷорӣ кардааст, ки ҳатто то 18-сола наметавонад ба масҷид биравад.

Аммо мақомоти тоҷик ҳамеша мегӯянд, гузоришҳои ин созмонҳо якҷониба аст. Онҳо бештар аз шумори масҷидҳо ва рафтани мардум ба намозҳоро мисол меоранд. Ин дар ҳолест, ки ҳеч зани ҳиҷобдор ҳақ надорад ба идораҳои давлатӣ ва ҳатто ба донишгоҳҳо ворид шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.