Раисҷумҳури Қирғизистон Содир Ҷабборов аз созиши Тоҷикистону Қирғизистон дар бораи марз хабар дод.
Ӯ 26-уми ноябр дар Бишкек дар анҷумани миллии кишвараш гуфт, ки Тоҷикистону Қирғизистон дар бораи таъйин ва аломатгузории марз ба созиши пешакӣ расиданд.
Содир Ҷабборов таъкид кард, ки дар ҷараёни сафари ҳайати Тоҷикистон, ки қарор аст рӯзҳои наздик ба Бишкек расанд, асноди лозимии марзӣ ба имзо хоҳад расид.
Аз ин пештар ҳам Содир Ҷабборов ва ҳам Қамчибек Тошиев, раиси КДАМ-и Қирғизистон дар ин бора ба расонаҳо гуфта буданд.
Аммо моқомоти Тоҷикистон то ҳол дар ин маврид ба расонаҳо чизе намегӯянд ва маълум нест дар ин ҳайат киҳо шомиланд.
