Рӯзи 10 январи соли ҷорӣ дар Қирғизистон интихоботи пеш аз мӯҳлати президентӣ ва раъйпурсӣ оид ба муайян кардани шакли ҳукумат баргузор шуд. Тибқи маълумоти пешакии Комиссияи интихобот, Содир Ҷапаров 79,26 дарсади овозҳои мардумро ба даст овард.
Натиҷаҳои расмии Комиссияи марказии интихобот бояд на дертар аз 24 январ эълон карда шаванд. Дар ин бора сомонаи қирғизии 24.kg хабар медиҳад.
Содир Ҷапаров 6 декабри соли 1968 дар деҳаи Кен-Суу, ноҳияи Иссиқкӯл таваллуд шудааст.
Қаблан, яке аз рақибони ӯ дар сабқати президентӣ Канибек Иманалиев изҳор карда буд, ки Содир Ҷапаров соҳиби дипломи тарбияи ҷисмонӣ мебошад. Аммо тарҷумаи ҳоли расмӣ аз он шаҳодат медиҳад, ки вай соли 2006, яъне дар синни 38-солагӣ Донишгоҳи славянии Қирғизистону Русияро хатм кардааст.
Фаъолияти меҳнатии худро дар колхоз оғоз намудааст. Дар солҳои 2002-2005, ӯ аллакай ба ҳайси директори генералии ширкати “Нурнефтегаз” кор мекард.
Дар соли 2005, вай аз ҳавзаи якмандатии Туп ба даъвати сеюми “Жогорку Кенеш” (парлумони якпалатагии Ҷумҳурии Қирғизистон, мақоми қонунбарори давлат) номзад шуд. Он гоҳ номзадҳои ҷонибдори ҳукумат мухолифони худро ба таблиғи ғайриқонунӣ айбдор карданд.
Ҳукумат изҳороти муқобил навишта ишора кард, ки номзадҳо ба мандатҳо, ки аз ҷониби Кохи Сафед дастгирӣ карда мешаванд, ба хариди овозҳо машғуланд. Аммо судҳои маҳаллӣ тарафдори онҳое буданд, ки аз ҷониби мақомот сарпарастӣ мешуданд. Дар натиҷаи рӯёрӯӣ гирдиҳамоиҳо бо талаби истеъфои волӣ ба вуқӯъ пайвастанд.
Бо вуҷуди ҷанҷолҳои шумориши овозҳо ва фишор ба оппозисюн, Содир Ҷапаров бо вуҷуди ин ба парлумон роҳ ёфт ва ба гурӯҳи ҷанубии ҷонибдори президент Қурмонбек Боқиев пайваст.
Дар моҳи апрел, ӯ дар ҳайате таҳти сарварии Омурбек Текебоев ба Маскав рафт, ки Аскар Акаев дар натиҷаи табаддулоти моҳи март гурехт. Музокирачиён бояд ӯро маҷбур мекарданд, ки ихтиёран истеъфо диҳад ва ин кор ба онҳо муяссар шуд.
Дар соли 2007 Қурмонбек Боқиев даъвати сеюми саркаши парлумонро пароканда кард. Содир Ҷапаров дар интихоботи пеш аз мӯҳлати ваколати “Жогорку Кенеш” ширкат надошт. Соли 2007 ӯ мушовири Қурмонбек Боқиев шуд ва то соли 2009 дар ин вазифа кор кард.
Соли 2008 Агентии миллии Ҷумҳурии Қирғизистон оид ба пешгирии коррупсия таъсис дода шуд. Соли 2009 ба он Содир Ҷапаров роҳбарӣ мекард. Ба зудӣ оҷонсӣ ба Агентии пешгирии коррупсия дар назди Хадамоти давлатии кадрҳо табдили ном кард. Дар ин вазифа, ӯ то моҳи июни соли 2010 кор кардааст.
Дар моҳи октябри соли 2010 дар даъвати панҷуми “Жогорку Кенеш” ба ҳайси вакил интихоб шуд. Содир Ҷапаров дар рӯйхати ҳизби Ота-Журт шомил буд, ки ин созмони сиёсӣ дар интихобот ғолиб омад ва соҳиби аксари курсиҳо шуд.
Аммо дар моҳи сентябри соли 2012 Додситонии кулл алайҳи Содир Ҷапаров, ки он замон раҳбарии фраксияи Ота-Журтро бар ӯҳда дошт, парвандаи ҷиноӣ боз кард. Вай ба қаллобӣ дар хусусигардонии ғайриқонунии бино дар Бишкек айбдор мешуд.
Порлумон талаби додситони куллро барои ба ҷавобгарии ҷиноятӣ кашидани Содир Ҷапаров рад кард.
Гап дар бораи он буд, ки пас аз ҳодисаҳои апрел, биное, ки гӯё ба одамони Максим Боқиев тааллуқ дошт, дар дасти Элдар Мадилбеков, писари депутат Турат Мадилбеков будааст, ки он вақт Содир Ҷапаров онро харидааст.
Худи ҳамон сол Содир Ҷапаров комиссияи парлумонӣ оид ба “Кумтор”-ро сарварӣ мекард. Вай миллисозии майдон ва ихроҷи сармоягузорони Канадаро талаб кард.
3 октябри соли 2012 дар назди Кохи Сафед вакилони Ота-Журт Камчибек Ташиев, Содир Жапаров ва Талант Мамитов гирдиҳамоӣ ташкил карданд. Худи Ҷапаров дар он гирдиҳамоӣ ширкат надошт. Аммо ӯро ба таҳрики он айбдор карданд.
Он замон Камчибек Ташиев ба девори Кохи Сафед баромада буд. Баъдтар ӯ ин амалашро тавзеҳ дод, ки “ба кор шитоб дошт”.
9 марти соли 2013, суд Камчибек Ташиев ва Содир Ҷапаровро тибқи моддаи 295 “Ғасби ҳокимият ё ба таври маҷбурӣ нигоҳ доштани ҳокимият” -и Кодекси ҷиноятии Ҷумҳурии Қирғизистон гунаҳгор дониста, онҳоро ба як солу шаш моҳи зиндон маҳкум кард. Комиссияи марказии интихобот, қарори Фемидаро иҷро карда, Содир Ҷапаровро аз вакилӣ маҳрум кард.
Дар охирҳои баҳор ва рӯзҳои аввали моҳи июни соли 2013 тазоҳурот алайҳи Кумтор барпо шуда буд. Содир Ҷапаров ҳамчун яке аз ташкилкунандагони гирдиҳамоӣ ном бурда шуд. Аммо ӯ даст доштани худро дар ин тазоҳуротҳо рад кард.
Моҳи октябр дар Каракол боз як митинги дигар бар зидди Кумтор баргузор шуд. Эътирозгарон намояндаи ваколатдори ҳукумат Эмилбек Каптагаевро гаравгон гирифтанд ва таҳдид карданд, ки ӯро оташ мезанандд. Дар ниҳоят митинг пароканда карда шуд. Содир Ҷапаровро ба ташкили тазоҳурот муттаҳам карданд. Аммо вакили собиқи халқ инро рад карда гуфт, ки ин ҳама тахмин аст ва аз тарси таъқиб тарки кишвар кард.
Баъдтар, дар мурофиаҳо Эмилбек Каптагаев гуфт, ки ӯ Содир Ҷапаровро ташкилкунандаи гирдиҳамоӣ дар Қаракол намешуморад, балки Ҷапаров қурбонӣ аст.
Содир Ҷапаров моҳи марти соли 2017 ба Қирғизистон баргашт. Рӯзи омаданаш ӯро дастгир карданд. Додгоҳ Содир Ҷапаровро бо иттиҳоми “Гаравгонгирӣ” ба 11уним соли зиндон маҳкум кард. Шаби 5-6 октябри соли 2020, ки мардум зидди Сооронбой Ҷээнбеков собиқ президенти Қирғизистон тазоҳурот карда буданд, тарафдори Ҷапаров ӯро аз боздоштгоҳ, ки дар онҷо адои ҷазо мекард, озод карданд.
Баъд аз ин дар тӯли 1 рӯз Суди Олӣ парвандаи Содир Ҷапаровро барои бознигарӣ равон кард ва ин ба ӯ имкон дод, ки номзади президенти Қирғизистон шавад.
