26.9 C
Dushanbe

Содироти ангишт ба кишварҳои ҳамсоя 10 баробар зиёд шудааст

Тоҷикистон дар соли гузашта содироти ангиштро ба кишварҳои ҳамсоя тақрибан 10 баробар афзоиш додааст. Дар ин бораи Шавкат Бобозода, директори Агентии содироти назди Ҳукумати Ҷумҳурии Тоҷикистон хабар дод.  

Имрӯз, 15-уми феврал Бобозода бо рӯзноманигорон нишасти матбуотӣ дошт, ӯ дар ин нишаст гуфт, дар соли гузашта ба кишварҳои ҳамсоя 30 ҳазор тонна ангишт содирот шудааст.

“Ангишти Тоҷикистон асосан ба Афғонистон, Покистон, Узбекистон ва Қазоқистон содир мешавад. Дар соли 2020 ҳаҷми содироти ангишт каме бештар аз 3 ҳазор тоннаро ташкил дода буд. Ин самти нави содирот аст ва дар оянда боз ҳам афзоиш хоҳад ёфт” – гуфт ӯ.

Тибқи омор, истихроҷи ангишт дар 11 моҳи соли гузашта беш аз 1,9 миллион тоннаро ташкил додааст.

Агентии содирот ҳамчунин хабар дод, ки гардиши тиҷорати хориҷии Тоҷикистон дар соли 2021 беш аз 6,3 миллиард долларро ташкил дода, нисбат ба соли гузашта 39,5% ё 1 миллиарду 801,3 миллион доллар афзоиш ёфтааст.

Гуфта мешавад, содироти коло 2 миллиарду 149,6 миллион долларро ташкил дод, ки нисбат ба соли 2020 52,8 % ё 742,7 миллион доллар ва воридоти коло 4 миллиарду 209,5 миллион долларро ташкил дода, нисбат ба соли 2020 33 % ё 1 миллиарду 58,6 миллион доллар зиёд мебошад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.