25.9 C
Dushanbe

Сокинони Истаравшан чаро милисаҳоро заданд? Ҷузъиёти тоза

Раёсати Вазорати корҳои дохилаи Тоҷикистон дар вилояти Суғд чанд нафар аз сокинони деҳаи Лакати шаҳри Истаравшанро боздошт кардаанд.

Сокинони боздоштшуда ба латтукӯби кормандони милисаи ин шаҳр гунаҳкор дониста мешаванд. Вазорати корҳои дохила мегӯяд, сокинони деҳаи Лакат монеи кори маъмурони милиса шудаанд. Ба иддаои ВКД, маъмурони “Шуъбаи корҳои дохилии Истаравшан пайи таҳқиқи як хабари фаврӣ дар заминҳои хоҷагии деҳқонии деҳаи Лакат буданд.”

Аммо дар ин бора Радиои Озодӣ аз забони сокинони ин деҳа гузорише нашр кард, ки шоҳидон воқеаро дигархел шарҳ медиҳанд. Тибқи гуфтаи шоҳидон, милисаҳо қасди таҷовузи як ҷавондухтари ин деҳаро доштаанд ва ӯро ба мошини худ савор карда, зуран мехостаанд ӯро ба ҷое бибаранд. Ва чун деҳқонон садои кумакхоҳии ӯро мешунаванд ба кумакаш шитофта, бо маъмурони милиса даргир мешаванд.

Бино ба нақли сокинони деҳаи мазкур, 31-уми майи соли ҷорӣ “дар дукилометрии деҳаи Лакат як мошини сиёҳшишаро” мебинанд, ки “аз дарунаш садои имдодталабии духтар меомад.” Онҳо бо кумаки ҳамдигар назди мошин рафта, “ронанда ва ҳамроҳонашро, ки маъмурони милиса буданд, ба кушодани дар маҷбур намуданд” ва чун амаки духтар Ҷамолиддин Раҳматов ҷияни худро дар асорати милисаҳо мебинад, бо онҳо даргир мешавад ва бо ҳамин байни онҳо муноқиша сар мезанад.

Милиса омад, ба паҳлӯям нишаст. Гуфт, агар ҳамин корамон шавад, ман ба ту Айфон 14 промакс харида медиҳам. Ту шиноснома надоштаӣ, шиносномаатро ҳал карда медиҳам. Миёнамро қапида ин гапҳоро гуфт. Ман дар ин ҳолат гиря карда, фарёд задам, ки ҳамдеҳаҳо аз берун шунидаанд. Баъд ҳамаро ҷеғ заданд. Ҳама ҷамъ шуд. Мудири мактаб ва Ҷамолиддин-амакам низ омаданду ин ҳолат рух дод.”,- нақл кардааст духтар ба Радиои Озодӣ.

Ёдовар мешавем, ки чанд рӯзе пеш дар шабакаҳои иҷтимоӣ наворе нашр гардид, ки дар он дида мешуд, гурӯҳе аз сокинон бо маъмурони милиса дастбагиребон мешаванд. Гуфта мешавад, ин ҳодиса охири моҳи май рух дода буд, вале чанд рӯзи ахир ба шабакаҳои иҷтимоӣ роҳ ёфт.

Корбарони шабакаҳои иҷтимоӣ дар вокуниш ба ин хабар мегӯянд, кормандони милиса мехостаанд духтарро таҷовуз кунанд ва бояд ин парванда ҷиддӣ гирифта шавад ва ҳамаи милисаҳо ба ҷазои худ расонида шаванд. Ба гуфтаи онҳо, дар аксар навоҳии дурдаст баъзе маъмурони ВКД ва КДАМ по аз салоҳияти худ фаро ниҳода, ба ҷиноятҳое даст мезананд, ки ҳатто худи раҳбарияти ин ниҳодҳои ҳифзи ҳуқуқ ҷинояти кормандонашонро мепӯшонанд ва таҳқиқ намекунанд ва ё шахсони бегуноҳеро муттаҳам карда, зиндонӣ мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Халиқ Бонк Тоҷикистон” ба “Актив Бонк” табдили ном кард

Бонки миллии Тоҷикистон ба "Актив Бонк" барои анҷом додани амалиёти бонкӣ бо пули миллӣ ва асъори хориҷӣ иҷозатнома дод.

Таркиш: Беш аз 300 кушта ва захмӣ дар Қарбоғи Кӯҳӣ

Бар асари як таркиш дар минтақаи Қарабоғи Кӯҳӣ зиёда аз 300 нафар кушта ва захмӣ шудааст.

Изҳороти Вазорати корҳои хориҷӣ

Вазоратҳои корҳои хориҷии Тоҷикистон ва Узбекистон бо нашри "изҳороти матбуотӣ"-и муштарак аз баргузории ҷаласаи як ҳафтаинаи мақомоти ду кишвар хабар доданд.

Пулиси нозири роҳ ронандаро зад

Дар шабакаҳои иҷтимоӣ наворе нашр шуда, ки дида мешавад,...