20.9 C
Dushanbe

Сомон Маҳмадбеков барандаи медали биринҷӣ гашт

Сомон Маҳмадбеков, варзишкори шинохтаи тоҷик медали қаҳрамонии ҷаҳонро ба Тоҷикистон овард.

Ин варзишкори ҷавон дар қаҳрамонии ҷудои ҷаҳон, ки дар шаҳри Абузабии Имороти Муттаҳидаи Арабӣ ҷараён дорад, дар вазни то 81 кг қувваозмоӣ кард.

Дар давраҳои аввали мусобиқот Сомон ҳарифонашро аз Фаронса, Ҳоланд ва Миср шикаст дода, ба даври чаҳорякниҳоӣ ин мусобиқот роҳ ёфт.

Аммо дар ин давр Маҳмадбеков, аз ҳарифи гурҷиаш Тато Григалашвилии шикаст хурда, ба даври тасаллобахш рафт.

Тато Григалашвилӣ дар вазни то 81 кг медали тиллоро ба даст оварда, секарата қаҳрамони ҷаҳон гашт.

Сомон Маҳмадбеков дар даври тасалобахш ҳарифашро мағлуб кард ва барои медали биринҷии қаҳрамонии ҷудои ҷаҳон бо Дмитрий Гочилаидзеи гурҷ қувваозмоӣ карда, ӯро шикаст дод.

Бояд гуфт, пеш аз Сомон Маҳмадбеков медали биринҷии қаҳрамонии ҷаҳонро варзишкори шинохтаи тоҷик Расул Боқиев соли 2007 дар дар шаҳри Рио-де-Жанейрои Бразилия ба даст оварда буд.

Қаҳрамонии ҷудои ҷаҳон рӯзҳои 19 то 24-уми майси соли ҷорӣ Абузабии АМА баргузор гардида, дар он 658 варзишгар аз 107 кишвар иштирок мекунанд.

Тоҷикистонро дар ин мусобиқот 9 варзишкор намояндагӣ доранд ва қувваозмоии Комроншоҳ Устопириён, Муҳаммадҷон Абдуҷалилзода, Ҷаҳонгир Маҷидов ва Темур Раҳимов дар пеш аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.