14.9 C
Dushanbe

Светлана Тихановская, рақиби Лукашенко дар Литва. Паноҳ бурдааст ё омода мешавад?

Акс аз Валерий Шарифулин / ТАСС

Вазорати умури хориҷаи Литва эълом кардааст, ки номзад ба мақоми президенти Беларус Светлана Тихановская дар ин кишвар қарор дорад. Дар пайи эълони натоиҷи интихоботи рӯзи 9 август ва баргузории як нишасти хабарӣ хонум Тихановская аз назарҳо ғойиб шуд ва расонаҳои маҳаллӣ ва ҷаҳонӣ нопадидшудани ӯро дар сархатти ахбори худ қарор доданд.

Хабаргузории “ТАСС” аз қавли  Линас Линкявичюс, вазири умури хориҷии Литва хабар медиҳад,ки феълан Тихановская дар Литва мебошад:”Светлана Тихановская дар маҳалли амн аст. Вай дар Литва қарор дорад”, – навиштааст вазири хориҷии Литва дар сафҳаи Twitterи худ рӯзи сешанбе.

Сардори Идораи сиёсати хориҷии Литва ҳамчунин тазаккур кардааст,ки Тихановская дар Беларус муддати тахминан 7 соат дар боздошт қарор дошт: “Муҳим он аст ки ӯ ҳоло дар маҳалли бехатар қарор дорад,вале то инҷо ӯ дар Белорус дастгир шуд ва дар ин боздошт 7 соатро ба сар бурд”-гуфтааст Линас Линкявичюс, вазири умури хориҷии Литва бар барномаи радиои миллии кишвараш. Аммо вазири хориҷӣ аз кадом роҳ ва чи тавр ва дар кадом вақт омадани Тихановская ба Вилнюс ва минбаъд чи нақша доштани ӯро шарҳу тавзеҳе накардааст. Қаблан хонум Тихановская арз карда буд, ки кадом асосеро барои дастгир ва ҳабси худ намебинад ва қасди тарки Белорусро надорад.

Тихановская,ки бар тибқи натоиҷи эъломкардаи Комиссиюни марказии интихоботи Белорус дар сабқат бо гирифтани 10.09% ҷойи дуввумро ишғол кард,изҳор дошт ки натиҷаи эъломшударо эътироф намекунад,худро сардори мунтахаби давлати Белорус меҳисобад ва бад-ин манзур аз болои КМИ ба Додгоҳ шикоят бурдааст.

Рӯзи душанбе раиси Кумитаи давлатии амнияти Белорус Валерий Вакульчик изҳор дошт,ки ба ҷони Тихановская сӯйиқасд омода шуда буд. Ба гуфтаи ӯ кормандони ниҳодҳои ҳифзи ҳуқуқ Ситоди муттаҳидаи мухолифинро посбонӣ карданд, то барои ин гуна қурбонӣ иҷозат надиҳанд.

Светлана Тихановская, рақиби аслии Александр Лукашенко, раиси ҷумҳури Беларус дар интихоботи рӯзи 9-уми август буд ва баъди эълони пирӯзии Лукашенко мардуми зиёде ба тазоҳурот баромаданд. Тазоҳурот, ки баъдан ба хушунат печид ду рӯз боз аст, идома дорад.

Дар тазоҳуроти шаби 10-уми август камаш 1 нафар ҳалок шудааст.

Бо ин ҳол маълум нест, ки Светлана Тихановская дар Литва паноҳ бурдааст ва ё инки  барои идомаи мубориза омода мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.