5.9 C
Dushanbe

Табибон аз мавҷи нави коронавирус дар Тоҷикистон мегӯянд, вазорат рад мекунад. Киро бовар кунем?

Вазорати тандурустии Тоҷикистон хабар дар бораи мавҷи нави коронавирус дар кишварро рад кард. Ба иддаои вазорат беморони нав бо нишонаҳои COVID-19, дар асл ба сил гирифтор шудаанд.

Вазорат мегӯяд, ин одамон аллакай бемории коронавирусро паси сар кардаанд ва аз сабабе, ки тавсияҳои табибонро нодида гирифтанд, гирифтори бемории сил шудаанд.

Ёдовар мешавем, ки рӯзи 12 июн Радиои Озодӣ ва хабаргузории Азия-Плюс бо истинод ба табибон, кормандони озмоишгоҳҳо ва хешовандони беморон дар бораи ҳолатҳои нави сирояти коронавирус дар кишвар хабар дода буданд.

Хабаргузории Азия-Плюс бо такя ба як манбаъ дар озмоишгоҳи хусусии “Диамед” хабар дод, ки рӯзи 8 июн танҳо дар Душанбе тақрибан 100 ҳолати коронавирус ошкор карда шуд. Дигар озмоишгоҳҳо низ натиҷаҳои мусбии коронавирусро тасдиқ карданд.

Вазорати тандурустии Тоҷикистон чунин маълумотро беасос меҳисобад ва таъкид мекунад, ки дар кишвар ягон ҳолати нави коронавирус ба қайд гирифта нашудааст.

Ҳомид Ҳомидзода, сардухтури поликлиникаи 13-и Душанбе, рӯзи шанбе ба Радиои Озодӣ гуфт, ки муассисаи тиббии онҳо  10 ҳолати сирояти коронавирусро ба қайд гирифтааст, ки баъзеи онҳо дар хона ва баъзеи дигар дар беморхона табобат гирифтаанд.

Аммо як рӯз пас Ҳомидзода зери фишори мақомот мавқеи худро якбора тағир дод ва изҳор намуд, ки дар кишвар ягон ҳолати сирояти коронавирус ба қайд гирифта нашудааст.

Бисёре аз табибон аз ифшои ҳодисаҳои нави сирояти коронавирус метарсанд.  Моҳи гузашта Абдумавлон Абдуллозода, ки дар бораи ҳолатҳои нави сироятёбии COVID-19 дар шимоли Тоҷикистон хабар дода буд, аз вазифаи сардори шуъбаи хадамоти давлатии санитарию эпидемиологии Суғд барканор карда шуд.

Манобеъи огоҳ ба Радиои Озодӣ гуфтаанд , ки мақомоти Тоҷикистон намехоҳад марзҳо дубора баста шавад ва парвозҳо бо дигар кишварҳоро қатъ шавад, аз ин рӯ гузоришҳо дар бораи мавҷи нави пандемияи COVID-19-ро рад мекунанд.

Ёдовар мешавем, ки дар баҳори соли 2020 Тоҷикистонро барои радди вуҷуди коронавирус дар кишвар шадидан танқид карданд ва танҳо  зери фишори ҷомеаи шаҳрвандӣ ва овардани далелҳо, мақомот танҳо рӯзи 30 апрел аз вуҷуди коронавирус хабар дод. Ба иддаои Вазорати тандурустӣ аз охири моҳи декабри  соли 2020 дар Тоҷикистон ягон ҳолатӣ гирифторӣ ба бемории коронавирус ба қайд гирифта нашудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.