28.9 C
Dushanbe

Тафсилоти садамаи мошини газбар дар роҳи Душанбе-Чаноқ

Субҳи имрӯз, 6-уми сентябри соли 2022 дар роҳи Душанбе-Чаноқ мошини интиқолдиҳандаи гази моеъ ба сабаби аз кор баромадани торзомҳояш ба садама дучор шуда, таркид ва ҳаракати мошинҳо дар ин роҳ баста шуд.

Акс аз саҳифаи фейсбукии филиали “Инновейтив Роуд Солюшнз ЛТД”

Тавре қаблан филиали ширкати “IRS” (Инновейтив Роуд Солюшнз ЛТД) дар Тоҷикистон хабар дода буд, ин ҳодиса дар 46-километрии роҳи Душанбе – Чаноқ рух дод.

Филиали ширкати “IRS” (Инновейтив Роуд Солюшнз ЛТД) дар Тоҷикистон мегӯяд, дар ин ҳодиса 3 нафар ба ҳалокат расида, 5 нафар бо шумули ронандаи мошини газбар бо ҷароҳатҳои ҷисмонӣ ба бемористон интиқол дода шуданд.

Гуфта мешавад, пас аз кор баромадани тормозҳо мошини боркаш то ду километри дигар бидуни тормоз меравад ва сипас ба дарё сарозер мешавад. Аммо ронанда ҳушёрӣ карда, пеш аз сарозер шудан худро аз мошин ба берун меандозад.

Масъулони ширкат тафсилоти ин ҳодисаро чунин шарҳ медиҳанд:

“Мутаассифона, баъд аз рух додани таркиш бо сабабҳое, ки баъдтар мақомоти дахлдор шарҳу тавзеҳ медиҳанд, ду мусофири ду автомобили сабукрав дар маҳалли ҳодиса аз алангаи оташи автомобили таркида ба ҳалокат расиданд. Ҳамчунин, як нафар зан зери автобуси самти Душанбе – Панҷакент монда, ҷон медиҳад. Чор нафари дигар, ки осеби ҷисмонӣ бардоштанд, ба беморхона интиқол дода шуданд.”

Дар хабар ҳамчунин овозаҳо дар мавриди бархӯрдани мошини газбар бо автобус рад мешавад.

Тибқи иттилои манбаъ, ҳоло роҳ кушода шуда, ҳаракати тамоми намуди нақлиёт таъмин шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.