14.9 C
Dushanbe

Таҳдиди Лавров ба Толибон

Вазири корҳои хориҷии Русия Сергей Лавров бар ин назар аст, ки хурӯҷи нерӯҳои ИМА аз Афғонистон, ин ба маънои эътирофи нокомии рисолати Вашингтон дар ин кишвар аст.

Ба гуфтаи ӯ, дар сурати ҳамла ба Тоҷикистон, ин мавзӯъ “мавриди баррасӣ дар Созмони Паймони Амнияти Дастаҷамъӣ (СПАД) қарор хоҳад буд”, менависад “Коммерсант” аз Қавли ҷаноби Лавров.

Лавров талвиҳан таҳдид карда гуфт:  Ман дар ҷое хондам ва ё аз телевизион шунидам, ки оё мо ба Афғонистон нерӯ мефиристем: Ба назари ман, ки посух равшан аст”

“Мо бо Тоҷикистон ҳампаймон ҳастем. Агар ҳамла ба Тоҷикистон сурат гирад, албатта, ин мавзӯи фаврӣ барои баррасӣ дар СПАД қарор хоҳад гирифт”, гуфт ҷаноби Лавров ҳангоми суханронӣ дар Донишгоҳи федералии Шарқи Дур (Дальневосточном федеральном университете).

Вазири умури хориҷаи Русия бар ин бовар аст, ки таҳдиди ҳамлаҳои террористӣ дар Афғонистон дар ҳоли афзоиш аст. Ба гуфтаи ӯ, “дар кишвар ҷойҳое ташкил мешавад, ки ҷангиёнро на Толибон, балки “Давлати Исломӣ” ба худ ҷалб мекунад”. Ин дар натиҷаи “лағжишҳои раванди сиёсӣ ва аз нав шуруъ шудани амалиётҳои низомӣ рух медиҳад.

Лавров қайд карда, ки Толибон (дар Русия мамнӯъ) рафтори ҷангталобонаро доранд, зеро тавофуқномаи ташкили давлати интиқолӣ иҷро ва татбиқ намешавад. Ба ақидаи ӯ, роҳбарият дар Кобул “намехоҳад як чизи интиқолиро созмон диҳанд, онҳо метарсанд, ки ин амр метавонад онҳоро аз саҳнаи сиёсат дур биандозад.”Маълум шуд, ки ҳам онҳо ва ҳам амрикоиҳо, ки дар онҷо ҳастанд авзоъро мегузоранд, то куллан ба зӯр ҳал шавад.” Мегӯяд оқои Лавров.

Нооромиҳо дар марзи Афғонистон ва Тоҷикистон дар охири моҳи июн шиддат гирифт. Ҳазорҳо Сарбозони афғон ба сабаби ҳамлаи Толибон маҷбур шуданд марзро убур карда, ба Тоҷикистон ақибнишинӣ кунанд. Президенти Русия Владимир Путин изҳори омодагӣ кард, ки дар ҳолати зарурат ба Тоҷикистон кумак мекунад.

СПАД як блоки ҳарбӣ-сиёсист, ки тибқи тавофуқнома кишварҳои узви худро аз ҳамлаҳои беруна муҳофизат мекунад. Ба ин созмон Русия, Арманистон, Беларус, Қазоқистон, Қирғизистон ва Тоҷикистон шомиланд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.