5.9 C
Dushanbe

“ТАЛКО” бузургтарин қарздор аз ширкати “Барқи тоҷик”

Бино ба гуфтаи раиси ширкати “Барқи тоҷик” Мирзо Исмоилзода, ширкати алюминии тоҷик “Талко” аз ширкати “Барқи тоҷик” 390 миллион сомонӣ қарздор будааст.

Дирӯз 17 феврал раиси ширкати “Барқи тоҷик” дар нишасти хабарӣ ба хибарнигорон гуфт, ки ширкати “Талко” дар байни ширкатҳои қарздор аз ҳама бештар аз барқ қарздор аст.

Ҳамчунин ин масъул ба қарзи аҳолӣ ишора намуда гуфт, ки қарзи аҳолӣ то 1-уми январи соли 2021 аз ширкати “Барқи тоҷик” як миллиарду 342 миллион сомониро ташкил медиҳад. Ҳамчунин қарзи дебитории қувваи барқ 3,1 миллиард сомонӣ шудааст.

Бино ба навиштаи “Asia-Plus”, ин масъули “Барқи тоҷик” гуфта, ки соли равон наздик ба 1,5 миллиард кВт/с камтар ба хориҷи кишвар нерӯи барқ содир кардаанд.

“Соли 2020 ҳаҷми истеҳсоли неруи барқ дар неругоҳҳои барқи обӣ ва марказҳои барқу гармидиҳии ширкати “Барқи Тоҷик” 15 млрд, 248,4 млн кВТ/соатро ташкил дод, ки ин назар ба соли гузашта 215,6 млн. кВт/с кам мебошад. Сабаби ин маҳдуд гардидани захираҳои обӣ-энергетикӣ аз ҳисоби кам гардидани маҷрои дарёи Вахш ва вобаста ба ин ғайриимкон гардидани ҳаҷми пешбинишудаи содироти неруи барқ ба хориҷи кишвар мебошад”, – гуфт Исмоилзода.

Дар умум, соли 2020 “Барқи тоҷик” дар бозори дохилӣ ба маблағи 3 млрд, 414,1 млн. сомонӣ неруи барқ фӯрухтааст, ки назар ба соли 2019 388,7 млн сомонӣ зиёд аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналду ба Тоҷикистон наомад

Ҳамлагари шинохтаи пуртуғолӣ ва бозигари бошгоҳи "Ал-Наср"-и Арабистони Саудӣ Криштиану Роналду ба Душанбе наомад. 

Арабистон $100 миллион ба Тоҷикикстон қарз медиҳад

Фонди Саудии Рушд барои идомаи сохтмони тарҳи Нергуҳои барқи...

Вокунишҳо ба шиканҷаи навраси ноболиғе дар Душанбе

Сабти навори шиканҷаи навраси ноболиғе дар шаҳри Душанбе мавҷи вокунишҳоро дар ҷомеа ба вуҷуд овардааст, вале мақомот то ҳол ин қазияро шарҳ надодаанд.

Баррасии ҳамкориҳои Тоҷикистону Арабистон

Масоили ҳамкориҳои тиҷоратӣ, иқтисодӣ ва сармоягузориҳои Тоҷикистон ва Арабистони Саудӣ дар шаҳри Душанбе мавриди баррасӣ қарор гирифтанд.