5.9 C
Dushanbe

Тамринҳои махсуси воҳидҳои пойгоҳи низомии 201-и Русия дар Тоҷикистон

Воҳидҳои иктишофии пойгоҳи низомии 201-и Русия, ки дар Тоҷикистон ҷойгир аст, барои пайдо ва безарар кардани як гурӯҳи калони мусаллаҳи ғайриқонунӣ машқҳои махсус гузаронданд. Дар ин бора РИА новости хабар дод.

Бино ба иттилои ин сомона, дар ин тамринот беш аз 500 нафар низомиён ширкат доштанд.

Тибқи барномаи тамринот, гурӯҳе аз террористҳои шартӣ қасд доштанд, дар иншооти ҳарбии Русия тахрибкорӣ кунанд, аммо онҳоро бо ёрии дастгоҳи бесарнишини “Тахион” ёфтанд.

Пойгоҳи низомии 201 мустақар дар Тоҷикистон бузургтарин пойгоҳи низомии Федератсияи Русия дар хориҷ аз кишвар ба шумор меравад. Бино ба баъзе маълумотҳо то 7 ҳазор афсару сарбоз дар ин пойгоҳ адои хидмат мекунанд ва тибқи тавофуқоти Душанбе ва Маскав то соли 2042 дар хоки кишвар бидуни пардохти молиёт боқӣ хоҳанд монд.

Сергей Лавров, вазири корҳои хориҷии Русия дар як суҳбат бо расонаҳо гуфта буд, ки пойгоҳи 201-ум “омили муҳими амният дар Тоҷикистон” аст, вале дар айни замон гуфт, Маскав “бо назардошти таҳдидҳои идомаёбанда аз қаламрави Афғонистон” дар навсозии артиш ва тақвияти марзи давлатӣ ба Тоҷикистон ёрӣ хоҳад кард.

Сафири Русия дар Тоҷикистон Игор Лякин Фролов ба “Sputnuk” гуфта буд, ки дар омода кардани кадрҳои низомӣ Русия кумакашро ба низомиҳои тоҷикистонӣ мерасонад. Ба гуфтаи сафир, ҳамасола тақрибан ҳазор фармондеҳи сатҳи миёна дар пойгоҳи 201 таълими гуногуни низомӣ мегиранд.

Ба назари мухолифон ҳузури густардаи низомии Русия дар Тоҷикистон истиқлолу тавоноии нерӯҳои кишварро зери суол мегузорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.