14.9 C
Dushanbe

Зиндагии бе обу бе роҳ дар Душанбе

Сокинони кӯчаи Баҳории ноҳияи Шоҳмансури шаҳри Душанбе аз беобӣ танқисӣ мекашанд ва бо вуҷуди муроҷиатҳои пайдарпайяшон ба масъулини ноҳия касе ба доди онҳо намерасад.

Иддае аз сокинони кӯчаи Баҳории ноҳияи Шоҳмансури пойтахт дар тамос бо Аздо тв гуфтанд, тақрибан 100 хонавода дар ин кӯча зиндагӣ мекунад, вале бо гузашти қариб 20 сол на оби ошомиданӣ доранду на роҳи асфалтӣ ва на партовгоҳе барои партовҳояшон.

Ба гуфтаи онҳо, сокинон бо маблағи худ чанд сол пеш аз ду километр дурӣ бо лулаҳои обкашӣ хостанд об биёранд, вале масъулини бахши обтақасимкунӣ дар ноҳия на ба таври доимӣ ва на дар вақтҳои муайян обро ба онҳо сар намедиҳанд.

Онҳо мегӯянд, баъзе моҳҳо об ба муддати 5 дақиқа ва ё камтару зиёдтар сар дода мешавад, ки фишори он хеле паст буда ҳатто як сатил ҳам пур ношуда, қатъ мегардад. Биноан, маҷбур мешаванд (дар пойтахти кишвар нишаста) як мошини оби ошомиданиро дар як ҳафта ду маротиба аз 150 то 200 сомонӣ бихаранд.

Манобеъ мегӯянд, ҳар давраи интихобот вакилон меоянд ваъдаҳои зиёд медиҳанд, ки фалон корро анҷом медиҳанд. “Мушкилотамонро баррасӣ мекунанд, вале баъд аз маъракаи интихобот дигар на вакилеро мебинем ва на намояндаеро, ки ҳатто моро бишнавад”. Танҳо як вакили халқӣ, ки аз ӯ Ҳоҷӣ Маҳмуд ном бурда мешавад ва тоҷир ҳам будааст аз ҳисоби шахсияш ба мардуми маҳлла кумак мерасонад.

Барои мисол, “дар оғози паҳншавии бемории ҳамагир ӯ ба номи мардуми маҳалла кумакҳои зиёд оварда ба дасти раиси маҳалла Вайсиддин Холиқов дод, вале ӯ ҳама кумакҳоро бо хешу табор ва шиносҳояш тақсим карду ба мардум чизе надод”, – мегӯяд манбаъ ба Аздо тв.

Ба гуфтаи манобеи Аздо тв, болои ин ҳама мушкилӣ боз дардисарҳо эҷод кардани раиси маҳллаи Баҳорӣ Холиқов Вайсиддин барои сокинон яке аз мушкилии дигари онҳо ба ҳисоб меравад. “Кӯдакони мо ба мактаби миёнаи рақами 39-и ноҳия аз роҳи умумие, ки аз назди хонаи раиси маҳлла мегузашт, мерафтанд, вале Холиқов роҳро баст ва ба замини наздиҳавлигӣ табдилаш дод, ки ин кор роҳро барои кӯдакон ду километр дуртар кард. Акнун кӯдакони маҳлла дар зимистон то мактаб пиёда бо роҳҳои лойӣ бо як машаққат мераванд.”

Сокинон мегӯянд ҳарчанд ба сохторҳои дахлдор барои амалҳои ғайриқонунии раиси маҳлла муроҷиат карданд, вале касе ҳозир нест ӯро ба ҷавобграӣ бикашад. Ба қавли мардуми маҳалла, писарони Вайсиддин, Аслиддин, Камолиддин, Ҷамолиддин ва Аҳлиддин, ки ҳоло дар зиндон аст ва фарзандонӣ онҳо мардумро ба дод овардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.