-3.1 C
Dushanbe

Тарҳи нави ҳукумати Русия дар мавриди муҳоҷирони меҳнатӣ ва ҳолати будубоши онҳо

Мақомдорони Русия дар масъалаи муҳоҷирони меҳнатӣ пас аз 15 июн қасд доранд тарҳеро ба тасвиб бирасонанд.

Ин матлабро Вадим Коженов президенти Федератсияи муҳоҷирони Русия дар мусоҳибае бо радиои “Говорит Москва” иброз дошт.

Ба гуфтаи Коженов санади нав ба расмиятдарории муҳоҷирони кориро соддатар хоҳад кард.

У гуфт, дар ин замина наметавонад тавзеҳоти бештар бидиҳад, аммо чанд ишора намудааст. Аз чумла вай гуфт:  

“Бисёриҳо фикр мекунанд, ки тамдиди навбати муҳлати имтиёзӣ хоҳад буд, аммо чунин нест, чун ин ба дили ҳама задааст, кори дигаре ҳушмандонатар кардаанд. Яъне ин фармон моҳи июн содир хоҳад шуд ва дигар тамдиди он зарур нахоҳад буд. Онҷо қоидаи мантиқие ҷой дода шуда аст”.

Президенти Федератсияи муҳоҷирони Русия дар идомаи суҳбаташ баён дошт, ки дар ҳоли ҳозир кор болои ин санад бо тамоми суръат дар ҳоли анҷом аст ва хуҷҷат ба эҳтимоли зиёд дар дастгоҳи раисҷумҳур қарор дорад. Ӯ афзуд,

“Танҳо чизе, ки маро ташвиш медиҳад ин аст, ки агар фармон то 15 июн ба имзо нарасад ва чунин эҳтимол ҳам вуҷуд дорад онгоҳ чанд рӯзе дар ин миён хоҳад буд, ки амалан ВКД ҳак дорад боз дорад, ҷарима бандад ва ихроҷ намояд. Аммо пас аз имзо одамон ба додгоҳҳо мераванд то ҷарима ва қарори ихроҷро бекор кунанд”,- тавзеҳ дод Коженов.

Маврид ба зикр аст, ки моҳи апрели соли 2020 фармони раисҷумҳури Русия Владимир Путин ба иҷро даромад баъдан чанд бор тамдид шуд. Ин санад ба ҳамаи шаҳрвандони хориҷӣ иҷозат дод ба далели пандемия то 15 июн дар қаламрави кишвар бидуни гузаштани бархе расмиёт кор ва иқомат кунанд.

Ёдовар мешавем, ки фардо 15 июн муҳлати таъйин намудаи ВКД -и Русия барои қонунӣ кардани ҳузури хориҷиён ба поён мерасад, бо назардошти инки парвозҳои доимӣ миёни Душанбе ва Маскав аз 1 апрел роҳандозӣ гардид, бинобар ин муҳоҷирони тоҷик то 30 июн ҳақ доранд, ки ҳуҷҷатҳои худро дуруст кунанд.

Ихроҷи муҳоҷирони тоҷик пас аз 30 июн дар назар аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.