19.9 C
Dushanbe

Таркишҳои пайдарпай дар Афғонистон ба раванди сулҳ халал намерасонад?

Сурат: ru.euronews.com

Субҳи рӯзи сешанбе 27 октябр дар маркази вилояти Хусти кишвари Афғонистон дар назди идораи пулис таркиш ба амал омада, то кунун 3 нафар кушта ва чандин тани дигар захмӣ ба ҷо гузоштааст. Дар ин расонаҳои маҳаллии Афғонистон хабар доданд.

Сухангӯи Вазорати корҳои дохилии Афғонистон Тариқ Ориян гуфт, ки ҳамлагарон аввал мошини пур аз маводи таркандаро дар назди як воҳиди вижаи полис дар ин вилоят мунфаҷир карданд ва пас аз он баъзе ҳамлаварон бо сарбозони афғон даргир шуданд.

Оқои Ориян афзуд, ки то ҳол чаҳор ҳамлагар аз сӯи нерӯҳои амниятӣ кушта шудаанд ва талошҳо барои маҳви ду ҳамлагари дигар идома дорад. Сухангӯи Вазорати корҳои дохилӣ ҳамчунин гуфт, ки дар ин ҳодиса то имрӯз ду нафар кушта ва 25 нафари дигар, аз ҷумла 16 сарбоз, захмӣ шудаанд.

Сухангӯи волии Хуст Толиб Мангал низ гуфт, ки ҳамлагарон мехостанд пас аз таркиши мошини бомбгузоришуда вориди бино шаванд, аммо бо нерӯҳои амниятӣ бархӯрд карданд ва ҷанг идома ёфт. Ҷаноби Мангал гуфт, ки ду нафар аз ҳамлагарон кушта шуданд ва амалиёти маҳвкунӣ идома дорад.

Дар ҳамин ҳол, Муҳаммад Сахӣ Сардор, мудири беморхонаи давлатии Хуст ба бахши форсии “Садои Амрико” гуфт, ки то ҳол се нафар кушта ва 33 нафар захмӣ шудаанд, ки аксарашон сарбозони афғон мебошанд.

Ҳамзамон  рӯзи сешанбе назди як мактаби динӣ дар шаҳри Пешовари Покистон низ ҳамлаи террористӣ ба вуқуъ пайваст, ки ҳадди ақалл 7 нафар кушта ва даҳҳо тани дигар маҷрӯҳ шуданд. Пулиси ин шаҳр ба хабаргузории “Reuters” гуфт, ки як ҳамлагари номаълум бомбро дар бастаи плостикӣ ҷосозӣ карда буд.

Сухангӯи беморхонаи (lady reading hospital)-Пешавар гуфт, ки беморхона илова бар кушташудагон боз 70 захмии дигарро низ қабул, ки аксари онҳо осори сӯхтагӣ доштанд. Гуфта мешавад, аз 7 қурбонии ин ҳодиса 4 нафарашон кӯдакон мебошанд.

То ҳол ҳеҷ гурӯҳе масъулияти ин ҳамларо бар дӯш нагирифтааст. Пештар Толибони Покистон масъулияти аксари чунин бомбгузориҳоро ба дӯш гирифт буд.

Шаҳри Пешовар, маркази вилояти Хайбар дар шимолу ғарбии Покистон, дар наздикии марзи Афғонистон ҷойгир аст ва даҳсолаҳо боз бо хушунати Толибон даст ба гиребон аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Эмомалӣ Раҳмон ба Қирғизистон меравад

Президенти Тоҷикистон Эмомалӣ Раҳмон рӯзи 12-уми март бо як сафари расмии дурӯза ба Ҷумҳурии Қирғизистон меравад.

Таҳқиқи боз як хонаводаи тоҷик дар Русия барои гирифтани манзил

Кумитаи тафтишотии Русия таҳқиқоти наверо дар мавриди соҳиби манзил шудани як хонаводаи ниёзманди тоҷик дар Ҷумҳурии Тотористон оғоз кардааст.

Чаро ҳукми зиндони Абдураҳим Восиев барои 7 соли дигар дароз шуд?

Мақомоти Тоҷикистон ҳукми Абдураҳим Восиев, зиндонии сиёсӣ ва узви созмони "Ҷавонон барои эҳёи Тоҷикистон"-ро барои ҳафт соли дигар дароз кард.

Афғонистон аз Тоҷикистон хост силоҳу муҳиммоти ҷангияшро бозгардонад

Низомиёни собиқи Афғонистон бори дигар аз Тоҷикистон хостанд, ки аслиҳа ва муҳиммоти низомии ин кишварро бозгардонад.