28.9 C
Dushanbe

Таъсиси Фонди дастгирии лоиҳаҳои инноватсионӣ дар Тоҷикистон

Субҳи имрӯз дар шаҳри Душанбе ба Кумитаи давлатии сармоягузорӣ ва идораи амволи давлатӣ супориш дода шуд, ки барои таъсиси Фонди дастгирии лоиҳаҳои инноватсионӣ пешниҳодҳои мушаххас ироя намояд.

Акс аз сомонаи Президенти Тоҷикистон

Субҳи 16-уми марти соли 2022 дар ҷаласаи XXII Шӯрои машваратии назди Президенти Ҷумҳурии Тоҷикистон барои беҳтар кардани фазои сармоягузорӣ  “ба Кумитаи давлатии сармоягузорӣ ва идораи амволи давлатӣ супориш дода шуд, ки якҷо бо дигар вазорату идораҳо оид ба таъсиси Фонди дастгирии лоиҳаҳои инноватсионӣ ва лоиҳаҳои навоғозшавандаи ҷавонон, ки аз ҳисоби сармоягузориҳо ташаккул меёбад, пешниҳоди мушаххас манзур намояд.”

Ҳамзамон дар ин ҷаласа “ба шарикони рушд” тавсия дода шуд, ки дастгирии худро дар ин самт тақвият бахшанд” ва идораҳои дахлдори кишвар низ муваззаф гардиданд, ки барои беҳтар намудани фаъолияти соҳибкории ҷавонон таҳлили ҳамаҷониба гузаронида, натиҷаи онро бо тавсияву пешниҳодҳои мушаххас ба ҷаласаҳои ояндаи Шӯро ироа намоянд.

Гуфтанист, ин нишаст бо ҳузур ва раҳбарии Эмомалӣ Раҳмон баргузор гардида, дар он бар иловаи аъзои Ҳукумати Тоҷикистон баъзе намояндаҳои созмонҳои байналмилалӣ ва соҳибкорони дохилӣ низ иштирок ва суханронӣ карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.